बूढानीलकण्ठ बैठक: कांग्रेस निकास दिन तयार

७ जेठ, काठमाडौं । राष्ट्रपति र प्रधानमन्त्रीले संविधानको मर्म र भावना विपरीत धारा ७६ को दुरुपयोग गर्न थालेपछि प्रमुख प्रतिपक्षी दल नेपाली कांग्रेस अत्तालिएको छ । संविधानलाई नै रद्धीको कागज बनाउने गरी धारा ७६ (५) अनुसारको सरकार बनाउन २१ घण्टे म्याद जारी भएपछि कांग्रेसले आज बिहानै आकस्मिक बैठक डाकेको छ ।

पूर्व र हालका पदाधिकारी सम्मिलित बैठक अहिले कांग्रेस सभापति शेरबहादुर देउवा निवास बूढानीलकण्ठमा जारी छ । बैठकले अहिलेको राजनीतिक अन्योलको निकास दिन आवश्यक कदम चाल्ने बताइएको छ ।

आवश्यक परे आफूबाहेकको नेतृत्वमा ओलीको विकल्प खोज्न कांग्रेस तयार रहेको बुझिएको छ । यसका लागि जनता समाजवादी पार्टीका अध्यक्ष महन्थ ठाकुरको नाम नयाँ प्रधानमन्त्रीका रुपमा पेश हुन सक्ने बताइएको छ ।