प्रचण्ड पुगे बूढानीलकण्ठ

७ जेठ, काठमाडौं । नेकपा माओवादी अध्यक्ष पुष्पकमल दाहाल ‘प्रचण्ड’ विकसित नयाँ राजनीतिक घटनाक्रमबारे छलफल गर्न प्रमुख प्रतिपक्षी दल नेपाली कांग्रेसका सभापति शेरबहादुर देउवालाई भेट्न उनकै निवास पुगेका छन् ।

भर्खरै पार्टी पदाधिकारी बैठक सकेर बसेका सभापति देउवाले प्रतिपक्षी दलका नेताहरुलाई आफ्नै निवास बोलाएका छन् । कांग्रेस पदाधिकारी बैठकले प्रधानमन्त्री केपी ओलीविरुद्ध अविश्वास प्रस्ताव र राष्ट्रपति विद्यादेवी भण्डारी विरुद्ध महाअभियोग लगाउनुपर्न निश्कर्ष निकालेको छ ।

यसै सम्बन्धमा थप छलफल गर्न देउवाले प्रचण्डलगायत एमाले नेता माधवकुमार नेपाल र जनता समाजवादी पार्टी अध्यक्ष उपेन्द्र यादवलाई पनि आफ्नो निवास बोलाएका छन् । राष्ट्रपति भण्डारीले संविधानको धारा ७६ (५) अन्तर्गत नयाँ सरकार गठन गर्न भरे बेलुका ५ बजेसम्मको म्याद दिएकी छन् ।