माधव नेपाल पनि पुगे बूढानिलकण्ठ

७ जेठ, काठमाडौं । प्रमुख प्रतिपक्षी दल नेपाली कांग्रेस सभापति शेरबहादुर देउवाले डाकेको सर्वदलीय बैठकमा भाग लिन नेताहरु पुग्नेक्रम जारी छ । अहिले भर्खरै एमालेका वरिष्ठ नेता माधवकुमार नेपाल पनि देउवा निवास पुगेका छन् ।

यसअघि नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बूढानिलकण्ठ पुगिसकेका छन् । अब जनता समाजवादी पार्टीका अध्यक्ष उपेन्द्र यादव पनि पुग्दैछन् ।  सर्वदलीय बैठकमा कांग्रेसले जसपा अध्यक्ष महन्थ ठाकुरलाई समेत बोलाएका छन् ।

तर ठाकुर भने उक्त बैठकमा जाने नजाने प्रष्ट भएको छैन । राष्ट्रपति विद्यादेवी भण्डारीले आज साँझ ५ बजेसम्म नयाँ सरकार गठन गर्न प्रतिनिधिसभाका सांसद्हरुलाई समयसीमा तोकेकी छन् ।