देउवा निवासबाट नेपाल बाहिरिए

७ जेठ, काठमाडौं । नयाँ सरकारको विकल्प दिने समय घर्किंदै जाँदा नेताहरुको व्यस्तता बढेको छ । नेपाली कांग्रेसका सभापति शेरबहादुर देउवा निवास बुढानीलकण्ठमा विपक्षी दलका नेताहरु छलफलमा जुटेका छन् । जारी विपक्षी गठबन्धनको बैठकबाट एमालेका वरिष्ठ नेता माधवकुमार नेपाल बाहिरिएका छन् ।

उनी केहीबेर अघि मात्रै देउवा निवासबाट बाहिरिएका हुन् । विपक्षी गठबन्धनको बैठकमा केहीबेर सहभागी भएर उनी बाहिरिएका हुन् । बैठक अहिले पनि जारी छ ।

राष्ट्रपति विद्यादेवी भण्डारीले शुक्रबार साँझ ५ बजेसम्मको समय दिएर दलहरुलाई वर्तमान सरकारको विकल्प दिन आह्वान गरेपछि चाल्ने कदमबारे उनीहरुबीच छलफल भइरहेको छ ।

संविधानको धारा ७६ को उपधारा ३ बमोजिम प्रधानमन्त्री नियुक्त भएका ओलीले विश्वासको मत लिने प्रक्रिया सुरु नगरी वा राजीनामा नदिई संविधानको धारा ७६ ९५० बमोजिम नयाँ सरकार गठनको प्रक्रिया सुरु गर्नु असंवैधानिक हुने भन्दै प्रधानमन्त्री र राष्ट्रपतिको आलोचना हुँदै आएको छ ।