राष्ट्रपतिमा दागैदाग लागेकोले परिस्थितिले सुध्रिने मौका दिएको छ: थापा

७ जेठ, काठमाडौं । नेपाली कांग्रेसका सांसद गगन थापाले राष्ट्रपति विद्यादेवी भण्डारीलाई अन्तिम पटक सुध्रिने मौका दिएको बताएका छन् ।शुक्रबार साँझ ट्वीट र फेसबुकमा विचार पाेष्ट गर्दै सांसद थापाले प्रधानमन्त्री ओलीलाई साथ दिँदा राष्ट्रपतिमा दागैदाग लागेकोले सच्चिने अन्तिम मौका रहेको बताएका हुन् ।

‘राष्ट्रपतिज्य’, तपाई मा ओलीको जालझेल र अपराधमा साथ दिँदा लागेको दागैदाग छ । महामहिमलाई परिस्थितिले अन्तिम पटक सुध्रिने मौका दिएको छ ११ नभए भीरबाट खस्नेलाई राम राम !! थापाको ट्वीटमा लेखिएको छ ।

प्रधानमन्त्री केपी शर्मा ओलीको अनुरोधमा राष्ट्रपति भण्डारीले संविधानविपरीत नयाँ सरकार गठन गर्न आह्वान गरेको भन्दै बिहीबार पनि राष्ट्रपतिलाई महाअभियोग र ओलीलाई नयाँ सरकार बनाएर हटाउनु पर्ने ट्वीट गरेका थिए ।  यस्तै सांसद थापाले प्रधानमन्त्री ओलीले बहुमतको समर्थन छ भन्दै दाबी गर्नु असंगतमात्र होइन, अवैधानिक र अनैतिक भएको टिप्पणी गरेका छन् ।