स्याङ्जा काग्रेस प्रतिगमनबिरुद्ध सडकमा, सदरमुकाममा पुत्ला दहन
नेपालबहस संवाददाता
जेठ ८, २०७८ आइतबार ३:४२:१३
८ जेठ, स्याङ्जा । नेपाली कांग्रेस स्याङ्जा प्रधानमन्त्री केपी ओली र राष्ट्रपति विद्या भण्डारीले गरेको असंबैधानिक कमदबिरुद्ध सडक आन्दोलन शुरु गरेको छ । प्रतिनिधिसभालाई रातारात विघटन गर्ने राष्ट्रपति र प्रधानमन्त्रीको असंवैधानिक, आलोकतान्त्रिक, स्वेच्छाचारी, निरंकुश र प्रतिगमनकारी कार्यको घोर निन्दा र भत्र्सना गर्दै सडक आन्दोलन शुरु भएको जनाएको हो ।
कांग्रेस स्याङ्जाले शनिवार साझ जिल्ला सदरमुकाम पुतलीबजारमा प्रधानमन्त्री र राष्ट्रपतिको पुत्ला दहन समेत गरेको छ । पुत्लादहनपछि कांग्रेस स्याङ्जाका कार्यबहाक सभापति बुद्धिबहादुर राना (कुमार) ले एक विज्ञप्ती जारी गर्दै विश्व मानब जगतका हरेक चुनौती दिदै आक्रान्त पारेको कोरोना भाइरसको संक्रमणको महासंकटको मौका छोपेर सत्ताको खेलमा लाग्ने केपी ओलीको यो कदमविरुद्ध सडक आन्दोलन मार्फत उक्त कदमको फिर्ता गर्ने चेतावनी दिएका छन् ।
विज्ञप्तीमा भनिएको छ, राष्ट्रिय अन्तराष्टिञय राजनैनिक मानमर्यादाको धज्जी उडाउदै यो महासंकटमा नागरिकको स्वास्थ्य समवेदनासँग ख्याल नगरी चालिएको यो कदम जनताको रगत र पसिनाको अवमुल्य भएको ठहर छ । नेपाल र नेपाली जनताको उज्जवल भविष्यलाई अन्धकारमा धकेल्दै सिर्जना गरिएको राजनीतिक अन्योलताले अन्ततः मुलुकलाई मुडभेड तर्फ धेकेलिन खोजीको आरोप विज्ञप्ती मार्फत कार्यबहाक सभापति रानाले लगाएका छन् ।
गैरजिम्मेवार सरकारको असंवैधानिक कदम र राष्ट्रपतिको अकल्पनीय घोषणाले नेपाली जनताको मन मस्तिष्कमा आघात पुगेको स्याङ्जा काग्रेसले ठहर गरेको छ । नेपाली जनताको बलिदान र संघर्षबाट प्राप्त राजनैतिक उपलव्धीको रक्षाका लागि सबै जनसमुदायलाई अगाडी बढ्न समेत आव्ह्रान गर्दछौ विज्ञप्तीमा भनिएको छ । संविधान भन्दा माथी कोही नभएको भन्दै नेपाली जनताले निमार्ण गरेको संविधानको रक्षाका निम्ति सडकमा आउनु परेको उल्लेख गर्दै का.वा.सभापति रानाले यो कदमलाई तुरुन्त नसच्चाइएमा कडा आन्दोलन गर्ने चेताबनी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएसइईमा गण्डकीबाट ४० हजार बढी विद्यार्थी सहभागी
चैत १५, २०८० बिहिबार
म्याग्दीका भिर पहरामा मह सिकार सुरु
चैत १४, २०८० बुधबार
नौमती बाजा बजाउन तालिम लिँदै बागलुङका आमाहरू
चैत १३, २०८० मंगलबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
देशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
स्थानीय नृत्य प्रस्तुत गर्दै नेपाली सेना
चैत १६, २०८० शुक्रबार
एआईमा जागिर गर्नेहरूले कति तलब पाउँछन् ?
चैत १६, २०८० शुक्रबार
कांग्रेसको सहकारी विभागमा १० जना मनोनयन
चैत १६, २०८० शुक्रबार
लिलाम हुन नसकेका सवारीसाधन
चैत १६, २०८० शुक्रबार
के मेकअप रिमूभर प्रयोग गर्नु अनुहारको लागि राम्रो हो ?
चैत १६, २०८० शुक्रबार
चार दिनदेखि हराइरहेका बालकको शव नारायणी नदीमा फेला
चैत १६, २०८० शुक्रबार