मौसममा पश्चिमी न्यूनचापीय प्रणालीको आंशिक प्रभाव

९ जेठ, काठमाडौं । जल तथा मौसम पूर्वानुमान महाशाखाले देशको पहाडी क्षेत्रको मौसम बदली भएको जनाएको छ । तराईका थोरै ठाउँमा मौसम आंशिक बदली रहेको मौसम पूर्वानुमान महाशाखाले जनाएको हो ।

पश्चिमी न्यूनचापीय प्रणालीको आंशिक प्रभावले मौसम बदली भएको हो । आज दिउँसो प्रदेश-१, वाग्मती तथा गण्डकी प्रदेशका थोरै ठाउँमा पानी पर्ने सम्भावना छ ।

एक-दुई ठाउँमा मेघगर्जन र चट्याङ्गसहित वर्षाको सम्भावना रहेको महाशाखाले जनाएको छ । त्यस्तै आज राति पनि प्रदेश-१, वाग्मती र गण्डकीका पहाडी क्षेत्रमा मौसम बदली भइ कतैकतै पानी पर्ने अनुमान छ । आज अरु ठाउँको मौसम सफा रहनेछ ।