विपक्षी दलले सोमबारमात्रै अदालतमा रिट दर्ता गर्ने

९ जेठ, काठमाडाैं । प्रतिनिधिसभा विघटनविरुद्ध विपक्षी दलले भाेलि सोमबारमात्रै सर्वोच्च अदालतमा रिट निवेदन दर्ता गर्ने निर्णय गरेका छन्।नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आज समय अभावका कारणले रिट दर्ता हुन नसकेको बताए।

‘आजै जाने विचार थियो। नागरिकता, हस्ताक्षर सहितका कागजात तयार गर्न समय लाग्यो,’उनले भने, ‘भोलि बिहान पहिलो चरणमै जान्छौं।’ अध्यक्ष दाहालले अस्ति हस्ताक्षर गरेका १४९ जनाभन्दा पनि बढी सांसदको हस्ताक्षर हुने भएकाले भ्रममा नपर्न आग्रह गरे।