नेकपा एमालेको स्थायी कमिटी बैठक आज पनि बस्दै

१० जेठ, काठमाडौं । नेकपा एमालेको स्थायी कमिटी बैठक आज पनि बस्दै छ। पार्टी अध्यक्ष एवम् प्रधानमन्त्री केपी ओलीले बालुवाटारस्थित निवासमा सोमबार दिउँसो १२ बजेपछि स्थायी कमिटी बैठक बोलाएका हुन् ।

बैठक पार्टीको आन्तरिक विवाद, बजेटको तयारी र पछिल्लो राजनीतिक घटनाक्रममा नै बैठक केन्द्रित हुने छ । आजको बैठकले शनिबार बसेको स्थायी कमिटी बैठकले स्पष्टीकरण सोधिएका नेता माधवकुमार नेपाल, झलनाथ खनालसहितका ११ जनाका विषयमा पनि आवश्यक कारबाही प्रक्रिया अघि बढाउन सक्ने देखिएको छ।

२४ घन्टे स्पष्टीकरण  बुझाउन भनेर दिइएको समयअवधि पूरा भएकाले सोमबारको स्थायी कमिटीको बैठकले थप निर्णय लिन सक्ने अनुमान छ ।