नेको इन्सुरेन्सद्वारा १६.३२ प्रतिशत लाभांश प्रस्ताव

११ जेठ, काठमाडौं । नेको इन्सुरेन्सद्वारा लिमिटेडले गत आर्थिक वर्षको नाफाबाट लाभांश प्रस्ताव गरेको छ।

कम्पनीको आइतवार बसेको सञ्चालक समितिको बैठकले १६ दशमलव ३२ प्रतिशत लाभांश प्रस्ताव गरेको हो। प्रस्तावित लाभांशमा १५ दशमलव ५ प्रतिशत बोनस शेयर र शून्य दशमलव ८२ प्रतिशत नगद लाभांश (कर प्रयोजनार्थ) रहेको छ।

हाल कम्पनीको चुक्तापूँ १ अर्ब ३१ करोड रुपैयाँ रहेको छ। लाभांश वितरणपछि कम्पनीको चुक्तापूँजी १ अर्ब ५२ करोड रुपैयाँ पुग्नेछ।

प्रस्तावित लाभांश बीमा समितिको स्वीकृतिपछि र कम्पनीको आगामी वार्षिक साधारण सभाले अनुमोदन भएपछि शेयरधनीले पाउने छन् ।

कम्पनीले अघिल्लो वर्षको नाफाबाट गत वर्ष ८ दशमलव १६ प्रतिशत नगद लाभांश वितरण गरेको थियो ।