महुली लघुवित्तको संस्थापक शेयर भर्ने अन्तिम दिन आज

१० जेठ, काठमाडौं । एनआईसि एशिया बैंकको स्वामित्वमा रहेको महुली लघुवित्त वित्तीय संस्थाको संस्थापक शेयरमा लिलामी गर्ने अन्तिम दिन सोमवार बैंकिङ समयसम्म रहेको छ ।

बैंकले महुली लघुवित्तको ५६ हजार २७० कित्ता गत वैशाख २७ गतेदेखि लिलामीमा ल्याएको हो ।आवेदकले न्यूनतम प्रतिकित्ता ७८३ तोकिएको हुँदा सो वा सोभन्दा बढी मूल्य तोकि बोलपत्र पेश गर्नुपर्नेछ ।

उक्त शेयर खरीदका लागि विद्यमान संस्थापकहरु वा जो कोही व्यक्ति, कम्पनी तथा संघसंस्थाहरुले आवेदन दिन सक्नेछन् । न्यूनतम १०० कित्ता र अधिकतम सम्पूर्ण कित्ताका लागि आवेदन दिन सक्ने कम्पनीले बताएको छ ।

लिलामीको बोलपत्र विक्री प्रबन्धकमा एनआईसि एशिया क्यापिटल लिमिटेड रहेको छ ।