रिट दायर गर्न नेताहरु सर्वाेच्चमा

१० जेठ, काठमाडौं । विपक्षी गठबन्धनका नेता तथा सांसद्हरु प्रतिनिधिसभा विघटनविरुद्ध रिट दायर गर्न सर्वाच्च अदालततर्फ लागेका छन् । सिंहदरबारस्थित नेपाली कांग्रेसको संसदीय दलको कार्यालयमा कानून व्यावसायीहरुसँग अन्तिम परामर्श गरेर नेताहरु सर्वाेच्च अदालत पुग्ने क्रम सुरु भएको हो ।

आज रिट निवेदन दर्ता गराउनेमा माधव नेपाल पक्षका तीनजनाले अस्वीकार गरेका छन् । त्यसैले १४६ जनाको हस्ताक्षर र नागरिकताको प्रतिलिपिसमेत संलग्न गरी रिट दर्ता गर्न लागिएको हो । हाल प्रतिनिधिसभामा कुल २७१ सांसद् छन् । वहुमतका लागि १३६ जना भए पुग्छ ।