एक्सेल डेभलपमेण्ट बैंकसहित पाँच कम्पनीको शेयरमूल्यमा गिरावट

१० जेठ, काठमाडौं । साताको दोस्रो कारोबार दिन पाँच ओटा कम्पनीको शेयरमूल्यमा उच्च गिरावट आएको छ ।

यो दिन एक्सेल डेभलपमेण्ट बैंक,गुडवील फाइनान्स,सेन्ट्रल फाइनान्स,सिन्धु विकास बैंक र मिथिला लघुवित्तको शेयरमूल्यमा गिरावट आएको हो । पाँच ओटा कम्पनीमध्ये सबैभन्दा बढी एक्सेल डेभलपमेण्ट बैंकको शेयर मूल्य अघिल्लो कारोबार दिनको तुलनामा ४ दशमलव ४७ प्रतिशतले घटेको हो ।

शेयरमूल्य प्रतिकित्ता ६४१ मा झरेको हो । त्यसैगरी गुडवील फाइनान्सको शेयरमूल्य ४ दशमलव ३७ प्रतिशत,सेन्ट्रल फाइनान्सको ४ दशमलव १३ प्रतिशत,मिथिला लघुवित्तको शेयर मूल्य ३ दशमलव ९६ प्रतिशत र सिन्धु विकास बैंकको शेयर मूल्य ३ दशमलव ९० प्रतिशतले घटेको हो ।

गुडवील फाइनान्सको शेयर मूल्य प्रतिकित्ता ४१६,सेन्ट्रल फाइनान्सको ३०२,मिथिला लघुवित्तको २ हजार ४०१ र सिन्धु विकास बैंकको शेयर मूल्य २९६ कायम भएको छ ।

ती पाँच ओटै कम्पनीको शेयरमूल्य केहि दिन यता सर्किट लेबलमा वृद्धि हुँदै आएको थियो । सोही कारण लगानीकर्ताले नाफा बुक गरेसँगै गिरावट आएको हो ।

अल्पकालिन लगानीकर्ताले बजार बढ्दा निश्चित अवधिको लागि लगानी गरेका हुन्छन् । निश्चित प्रतिशत प्रतिफल प्राप्त भएपछि उनीहरुले बेच्ने गर्दछन् ।

विगत चार दिनेदेखि वित्त समूहका कम्पनीको शेयरमूल्य सर्किट लेबलमा वृद्धि हुँदै आएको थियो । पुनः सोमवार अल्पकालिन लगानीकर्ता हावी हुँदा उक्त समूहको परिसूचक २ दशमलव २ प्रतिशतले घटेको हो ।