एमाले सुदूरपश्चिम प्रदेश संसदीय दलको बैठक सुरू

११ जेठ, काठमाडौं । नेकपा एमाले सुदूरपश्चिम प्रदेश संसदीय दलको बैठक सुरु भएको छ । सोमबार स्थायी कमिटीको बैठकले सरकारलाई दिएको समर्थन फिर्ता लिने र एमालेका मन्त्रीहरूलाई फिर्ता बोलाउने निर्णय गरेपछि प्रदेशको आकस्मिक रुपमा दलको बैठक केही बेर अघिदेखि बसेको हो ।

बैठकमा स्थायी कमिटीको निर्णय बारे छलफल जारी छ । प्रदेश सभामा एमालेको तर्फबाट कुल २५ जना प्रदेश सभा सदस्यमध्ये नेपाल समूहका १८ जना र ओली समूहका ७ जना छन् ।

बहुमत प्रदेश सभा सदस्यले समर्थन गरेमा मुख्यमन्त्री त्रिलोचन भट्ट नेतृत्वको सरकार कायमै रहनेछ । तर, पार्टीको निर्देशन पालन नगरेमा प्रदेश सभा सदस्यहरुलाई कारबाही गर्ने चेतावनी एमालेको अर्को पक्षले दिँदै आएको छ ।