सभामुखले बाेलाएकाे बैठकमा नेम्बाङ नजाने

११ जेठ, काठमाडौं । सभामुख अग्निप्रसाद सापकोटाले समसामयिक राजनीतिक परिवेश लगायत विषयमा छलफल गर्न डाकेको पूर्व सभामुखहरुको बैठकमा सुभाषचन्द्र नेम्बाङ नजाने भएका छन् । सभामुख सापकोटाले आज दिउँसो १ बजे नयाँ बानेश्वरस्थित संसद भवनमा बैठक डाकेका छन् ।

नेम्बाङ एमालेको केपी ओली सम्बद्ध छन् । नेम्बाङले आफू अर्काे बैठकमा रहनुपर्ने बेला बोलाइएकाले सहभागी नहुने जवाफ पठाएको सापकोटाका प्रेस संयोजक श्रीधर न्यौपानेले बताए ।

नेम्बाङलाई ओलीका मतियारका रुपमा लिइने गरेको छ ।