कोरोना महामारीमा पूर्वमा तस्करी मौलायो, सशस्त्रका डीआईजी दाहाल सेटिङमा मस्त
नेपालबहस संवाददाता
जेठ ११, २०७८ बुधबार १:४९:२८
११ जेठ, काठमाडौं । सशस्त्र प्रहरी बल बराह बाहिनी प्रमुख डीआईजी वंशीराज दाहालका कारण सिंगो सशस्त्र प्रहरी बल नै बद्नाम हुन थालेको खबर छ । उनले पूर्वी क्षेत्रका यूनिटहलाई दिएको निर्देशन र व्यापारीहरुसँगको साँठगाँठले सशस्त्र प्रहरी बलको सिंगो संगठन नै बद्नाम भएको हो ।
कोरोना संकटको समयमा खटिरहेका जवानहरुको गाँस काटेर बराह बाहिनीका हाकिमलाई भेट्न जाने प्रदेश १ का सशस्त्र प्रहरी अधिकारी नै चकित पर्ने गरेका छन् । सशस्त्र प्रहरी कै एक सुत्रले दिएको जानकारी अनुसार उनले रानी भन्सार तथा इलाम र काँकडभिट्टा भन्सारमा खटिएका सशस्त्र प्रहरीका अधिकारीलाई महिना बित्ने वित्तिकै आफूलाई नभेटे तुरुन्तै सरुवा गर्ने निर्देशन मात्रै दिएका छैनन, भेट्न नआए आफै ती क्षेत्रको अनुगमनमा जाने भन्दै निस्कने गरेका छन् ।
विगत चार वर्षदेखि झापामा रहेका सशस्त्र प्रहरीका डीएसपी प्रेम भण्डारीमार्फत उनले पूर्वका सबै बीओपीमा प्रत्यक्ष अप्रत्यक्ष लाभ लिने गरेको बताइन्छ । ‘डीएसपी भण्डारी उनका घुमुवा नै हुन्, उनकै निर्देशन चल्छ, डीआईजी साहेबको आदेश छ भनेपछि हामीले बोल्ने कुरै भएन’, प्रदेश १ का एकजना जिल्लाका गुल्म प्रमुखले नाम उल्लेख नगर्ने शर्तमा नेपालबहस संवाददातालाई भने ।
सो समाचार स्रोतका अनुसार उनकै आदेशमा पूर्वी पहाडी जिल्लाका गुल्मपतिहरुले थोरै जनशक्ति आफूसँग राखेर धेरैजसो विदामा छाड्ने गरेका छन् । यसको ज्वलन्त उदाहरण उदयपुर पनि हो । उदयपुरका गणपति सुधिर सवेदीले राशनमा अनियमितता गर्ने गरेको भएपनि उनलाई दाहालले नै जोगाएका छन् । राशनको मसिक हिसाब समेत सुनाउने नगरेको, सुनाए पनि गणमा अरु शिर्षकमा समेत राशनकै रकम खर्च गरेर थोरै बचत देखाउने गरेको गणका कर्मचारीले बाहिनीपतिलाई भन्दा उनी चुप लागेर बसेका थिए ।
पूर्वमा सेटिङ नै चलाएका डीआईजी दाहालले आफू बराह बाहिनीमा सरुवा भएलगत्तै झापाका दुई प्रहरी निरीक्षकलाई तानेर आफू निकटका दुई प्रहरी निरीक्षक खटाएका थिए । भारतसँग जोडिएको खुला सीमा नाकाबाट तस्करी बढेको निहुँमा सशस्त्र प्रहरी बोर्डर आउट पोस्ट झापामा कार्यरत दुईजना सशस्त्र प्रहरी निरीक्षकलाई तानिएको थियो । सशस्त्र प्रहरी बल नेपाल १ नम्बर बराह बाहिनी मुख्यालय सुनसरीका डीआईजी वंशीराज दाहालको निर्देशनमा सशस्त्र प्रहरी बोर्डर आउट पोस्ट केचनाका सशस्त्र प्रहरी निरीक्षक लोकबहादुर तामाङ र बोर्डर आउट पोस्ट पृथ्वीनगरका कमल थानीलाई तानेर आफू निकटलाई पठाइएको थियो ।
सशस्त्र प्रहरी निरीक्षक तामाङलाई सशस्त्र प्रहरी बल नेपाल १ नम्बर बराह बाहिनी मुख्यालय सुनसरी पठाइएको थियो भने थानीलाई सशस्त्र प्रहरी बल नेपाल २ नम्बर गण झापामा तानिएको थियो । तर उनीहरुको गल्ती भनेको सीमामा कडाइ गर्नु र दाहालले भनेको व्यापारीको सामान रोक्नु नै भएको स्रोतले दावी गरेको छ । तस्करी गतिविधिमा संलग्न व्यापारीहरुको बचाउ गर्न दुवै सशस्त्र प्रहरी निरीक्षकलाई तानेपछि केचनामा सशस्त्र प्रहरी निरीक्षक सियाराम चौधरी र पृथ्वीनगरमा सशस्त्र प्रहरी निरीक्षक चेतन बाराकोटीलाई खटाइएको छ । त्यसको सेटिङ पनि डीएसपी भण्डारीले नै गरेक बताइएको छ । उनी धेरै जसो समय मोरङ र झापा मात्रै हुने गरेका छन् ।
कोरोना महामारीको कहरले मुलुकभर निषेधाज्ञा भइरहेको बेला अहिले झापाका सीमा नाकाबाट पछिल्लो समयमा तस्करी गतिविधि मौलाएको छ । दक्षिणी झापासहित पूर्वी नाका काँकडभिट्टाबाट अहिले पनि तस्करी भइरहेको छ । कोरोना त्रासको बाबजुद सीमा नाकामा खटिएका स्थानीय प्रहरीको संलग्नतामा तस्करी भइरहेको स्थानीयको दाबी छ । त्यहाँका एसपीले तस्करी रोक्न जतिसुकै आदेश दिएपनि डीआईजीकै कारण तस्करी मौलाएको सशस्त्र प्रहरी बराह बाहिनी स्रोतको दावी छ ।
खासगरी झापाबाट सुपारी र गाइगोरु तस्करी हुने गरेको छ । स्रोतका अनुसार उनले बंगलादेश जाने गाईगोरुलाई तस्करीको लाइन खुला गरिदिएका छन् । पश्चिम नेपालबाट आउने गाईगोरुलाई कुनै रोकतोक नगरी पठाउन उनले झापाका सबै बीओपीलाई निर्देशन दिएको सशस्त्र प्रहरी स्रोतको भनाई छ ।
संगठनभित्र कुनै बेला डीआईजी वंशी दाहाललाई पूर्व आईजीपी सनत बस्नेतका पुजारीको रुपमा चिनिन्थ्यो । उनै डीआईजी दाहाल अहिले प्रदेश १ को हर्ताकर्ता रहेका छन् । उनी विभिन्न शक्तिकेन्द्र चाहारेर आफैले रोजेकै प्रदेश गएपछि शुरुमै व्यापारीहरु जम्मा गरेर बैठक गरेका उनले झापाको दुई वटा बीओपीमा आफू निकटका दुई प्रहरी निरीक्षकलाई खटाएका थिए । अहिले ती दुई प्रहरी निरीक्षक र झापामै रहेका अर्का डीएसपी प्रेम भण्डारीलाई परिचालन गरेर प्रदेश १ भरी नै उठ्तीपुठ्ती आतंक सिर्जना गर्न थालेको दावी समाचार स्रोतको छ ।
कोरोना संक्रमणको महामारीमा पनि भारतीय सीमामा रहेका बीओपीका प्रमुखहरुले नियमित रुपमै डीआईजीलाई रिपोटिङ गर्नुपर्ने हुन्छ । जबकि जिल्लास्थित गणका प्रमुखलाई रिपोटिङ गरे पुग्नेमा प्रहरी निरीक्षकहरु आफै डीआईजीलाई रिपोटिङ गर्ने अवस्था किन आयो भन्ने प्रश्न उठेको छ । उनले आफू रोजेकै प्रदेश १ मा गएपछि शुरुमै होटलमा होटलमा व्यापारीलाई बोलाएर लाइन मिलाएको बताइन्छ । तत्कालिन डीआईजी मन्दीप श्रेष्ठले समेत हटाउन खोजेका डीएसपी प्रेम भण्डारीलाई उनले थमौती गरेका हुन् ।
काठमाडौमा हुँदा वंशी दाहाल तिनै प्रहरी अधिकृत हुन, जो भारतीय राजदूतावास समेत नियमित धाउने गर्थे । तिनै अहिले भारतीय सीमा सुरक्षा बलका अधिकारीसँग मिलेर कोरोना संक्रमणकालमा पनि तस्करीको लाइन खुलाउन व्यस्त रहेको स्रोतको दावी छ ।
बलम्बुमा अवस्थित सशस्त्र प्रहरी बल नीलबाराही गणका प्रमुख रहेका दाहालमाथि ६ वर्ष अघि सशस्त्र प्रहरी बलकै महिला सिपाहीमाथि यौन हिंसा गरेको आरोप लागेको थियो । त्यतिबेला तत्कालिन डीआईजी महावीर गुरुङले उनको जागिर जोगाइदिएका थिए । डीआईजी गुरुङकै नेतृत्वमा एसपी शैलेन्द्र भण्डारी र एक महिला इन्स्पेक्टरसहितको टोलीले छानविन गर्दा जाहेरीवाला महिलाले सही आरोप लगाएको र एसपी दाहालले गल्ती गरेको ठहर भएपनि उनले माफी मागेपछि जागिर जोगिएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपहाजिरी जमानतमा रिहा भए कृष्णबहादुर महरा
चैत ९, २०८० शुक्रबार
नन्दकिशोरका दुई पुत्रको सुन र सहकारीमा कसुर नै कसुर
चैत ९, २०८० शुक्रबार
सीआईबीले लिएको दुइदिने बयानमा महराद्वारा आरोप अस्वीकार
चैत ८, २०८० बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
सुनचाँदीको मूल्य घट्यो, कतिमा हुँदै छ किनबेच ?
बैशाख १३, २०८१ बिहिबार
कटहरियाको आकस्मिक कक्षमा डाक्टर नहुँदा बिरामीका आफन्तद्वारा तालाबन्दी
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
पुरख्यौली नृत्य प्रतियोगिता
बैशाख १३, २०८१ बिहिबार
तनहुँको पर्यटकीय नगरी बन्दीपुर बजार
बैशाख १३, २०८१ बिहिबार
'टिकटक'बारे अमेरिकाले ल्यायो नयाँ कानुन- शेयर बेच्नेकी प्रतिबन्ध झेल्ने !
बैशाख १३, २०८१ बिहिबार