आईपीओ निष्कासन प्रस्ताव पारित गर्न रिलायबल नेपाल लाइफ इन्स्योरेन्सले असार ४ गते बोलायो साधारण सभा

१२ जेठ, काठमाडौं । रिलायबल नेपाल लाइफ इन्स्योरेन्स लिमिटेडले तेस्रो वार्षिक साधारण सभा असार ४ गते गर्ने भएको छ । कम्पनीले सभा उक्त दिन दिउँसो १ बजे ज्ञानेश्वरस्थित प्रधान कार्यालयमा हुने बताएको छ । सभाले सर्वसाधारणका लागि आईपीओ निष्कासन गर्ने प्रस्ताव पारित गर्नेछ ।

कम्पनी ६० करोड बराबरको ६० लाख कित्ता आईपीओ निष्कासन गर्ने तयारीमा रहेको छ । त्यस्तै सभाले सञ्चालक नियुक्तीको अनुमोदन गर्ने र आव २०७५र ७६ को वार्षिक प्रतिवेदन छलफल गरी पारित गर्नेछ । हाल कम्पनीको चुक्तापूँजी  १ अर्ब ४० कारोड रहेको छ । आईपीओ निष्कासन पछि कम्पनीको पूँजी रू। २ अर्ब पुग्नेछ ।

कम्पनीले आईपीओ निष्कासन गर्ने प्रस्ताव साधारण सभाबाट पारित गरेपछि आवश्यक प्रक्रिया पुरा गरी नेपाल धितोपत्र बोर्डमा निवेदन दिएर स्वीकृती पाएपछि मात्र आईपीओ निष्कासन गर्नेछ ।