पर्यटनमन्त्री ढकालद्वारा बुद्धजयन्तीको शुभकामना व्यक्त
नेपालबहस संवाददाता
जेठ १२, २०७८ बुधबार १७:४८:३२
१२ जेठ,काठमाडौं । संस्कृति, पर्यटन तथा नागरिक उड्डयनमन्त्री भानुभक्त ढकालले २५६५औँ बुद्धजयन्ती एवं लुम्बिनी दिवस २०७८ को उपलक्षमा शुभकामना सन्देश दिदै विश्वभरका बौद्धमार्गी एवं शान्ति तथा अहिंसाप्रेमी सम्पूर्ण दादुभाइ तथा दिदीबहिनीमा हार्दिक शुभकामना व्यक्त गरेका छन् ।
मन्त्री ढकालले नेपालमा जन्मेका बुद्ध बौद्ध धर्मावलम्बीका लागि मात्र नभएर विश्वभरि नै उनी आदर्शका रूपमा स्थापित भएको सोही कारण आज लुम्बिनी विश्व सम्पदा क्षेत्रमा सूचीकृत भई विश्व शान्ति भूमिका रूपमा विश्वभर प्रसिद्ध भएको बताए । महामानव गौतम बुद्धको जन्म इशापूर्व ६२३ को वैशाख शुक्ल पूर्णिमाका दिन राजा शुद्धोधन तथा रानी मायादेवीको सुपुत्रको रूपमा नेपालको लुम्बिनीमा भएको थियो । उनले नेपाली भूमिमा जन्मिएर विश्वलाई सत्य, शान्ति र अहिंसाको मार्गतर्फ डो¥याएका छन् ।
पर्यटनमन्त्री ढकालले बृहत्तर लुम्बिनी क्षेत्रमा रहेका ऐतिहासिक बौद्ध सम्पदाहरुको वैज्ञानिक अन्वेषण, उत्खनन र संरक्षणका कार्यलाई प्राथमिकताका साथ अगाडि बढाउँदै स्थानीय जनताहरूको हितमा बृहत्तर लुम्बिनी क्षेत्रको समग्र विकासको गुरुयोजना तयार गर्ने र प्राचीन कपिलवस्तु राज्यको दरबार क्षेत्र रहेको तिलौराकोट क्षेत्रलाई विश्व सम्पदा सूचीमा सूचीकृत गर्नका लागि नेपाल सरकार क्रियाशील रहेको बताएका छन् । उनले विश्वका करोडौँ बौद्धमार्गी तथा शान्तिप्रेमीहरूको आस्थाको केन्द्र लुम्बिनीको विकास र प्रवद्र्धनका लागि संयुक्त राष्ट्रसङ्घको सहयोगमा तयार भएको लुम्बिनी गुरुयोजना आगामी दुई वर्षमा पूरा गर्ने, गौतमबुद्ध अन्तर्राष्ट्रिय विमानस्थल सञ्चालनमा ल्याउने योजना रहेको जनाएका छन् ।
“कोभिड–१९ महामारीका कारण यस वर्षको बुद्धजयन्ती एवं लुम्बिनी दिवस हामी पूर्णतः निषेधाज्ञाका बीच मनाउनुपर्ने बाध्यात्मक अवस्थामा छौँ । यस अवसरमा लुम्बिनीमा उपलब्ध श्रद्धेय भिक्षु, भिक्षुणी, लामा गुरु, गुरुमालगायतलाई सरकारद्वारा जारी जनस्वास्थ्यका मापदण्डको पूर्ण पालना गरी बुद्ध पूजा, परित्राण पाठ र दीप प्रज्वलन गरी मनाउन अनुरोध गर्दछु । अन्य सम्पूर्ण श्रद्धेय भिक्षु, भिक्षुणी, लामागुरु, गुरुमा र उपासक–उपासिकाहरूलाई पनि स्वास्थ्य मापदण्डहरूको पालना गर्दै आ–आफ्नो स्थानमा बुद्ध धर्म र सङ्घको गुणस्मरणका साथ बुद्धजयन्ती मनाउन हुन हार्दिक अनुरोध गर्दछु”, सन्देशमा भनिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबन्द भएका उद्योग सञ्चालन गर्न सरकारले नयाँ नीति ल्याउँछः मन्त्री भण्डारी
बैशाख ७, २०८१ शुक्रबार
सर्वोच्चको फैसला नआएसम्म कांग्रेस गण्डकी प्रदेशसभा बैठकमा सहभागि नहुने
बैशाख ७, २०८१ शुक्रबार
जसपाकी सांसद हसिनाले लिइन् शपथ
बैशाख ७, २०८१ शुक्रबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
प्लास्टिक प्रदूषण अन्त्य गर्न क्यानाडाले राष्ट्रसङ्घीय कार्यक्रमको आयोजना गर्ने
बैशाख ७, २०८१ शुक्रबार
कोशी प्रदेशमा संकल्प प्रस्ताव बहुमतले पारित
बैशाख ७, २०८१ शुक्रबार
बन्द भएका उद्योग सञ्चालन गर्न सरकारले नयाँ नीति ल्याउँछः मन्त्री भण्डारी
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
सुप्रिम सहकारी ठगी प्रकरण : अध्यक्ष ओमप्रकाश गुरुङलाई थुनामा पठाउने आदेश
बैशाख ७, २०८१ शुक्रबार
पाकिस्तानलाई विश्व बैंकले भन्यो, कर प्रणलीमा सुधार गरी शुल्क र बिक्री कर छुट हटाउनु
बैशाख ७, २०८१ शुक्रबार