तेल ट्यांकरमा गाँजा तस्करी: चालक र सहचालक पक्राउ

१२ जेठ, वीरगञ्ज । बारा प्रहरीले तेल ट्यांकरमा गाँजा तस्करी गर्ने दुईजनालाई नियन्त्रणमा लिएको छ । प्रहरीले तेल ट्याङ्करमा लुकाएर भारततर्फ लैजान लागेको अवैध लागुऔषध २ सय १८ किलो गाँजासहित दुईजनालाई पक्राउ नियन्त्रणमा लिएको हो ।

प्रहरीले महोत्तरीको बर्दिबास नगरपालिका-८ बस्ने ३३ वर्षीय घनश्याम गिरी र चितवनको खैरहनी-२ बस्ने २३ वर्षीय रामकुमार दवाडीलाई पक्राउ गरेको हो । उनीहरु ना ४ ख २९७९ नम्बरको ट्याङ्करको चालक र सहचालक हुन् ।

रातो प्लाष्टिकले बेरेको १९ वटा पोकामा रहेको २ सय १८ किलो गाँजा बरामद भएको प्रहरीले जनाएको छ । बाराको जीतपुर सिमरा उपमहानगरपालिका–१ पथलैयाबाट ट्याङकरमा लुकाएको गाँजासहित उनीहरुलाई प्रहरीले पक्राउ गरेको थियो ।

महमुद आलमको ग्यारेजमा रोकेर राखिएको ट्याङ्करको चेम्बरमा लुकाएर भारततर्फ लैजान लागिएको गाँजा बरामद भएको प्रहरीले जनाएको छ ।