विश्वभर एकैदिन ५ लाख ४२ हजार संक्रमित, ११ हजारको मृत्यु !

१३ जेठ, काठमाडौं । विश्वमा एकैदिन ५ लाख ४२ हजार ९ सय ३७ कोरोना संक्रमित थपिएका छन्। सबैभन्दा बढि भारतमा २ लाख ११ हजार ५ सय ५३ जना संक्रमित थपिएका छन्। यस्तै ब्राजिलमा ७९ हजार ४ सय ९५, अर्जेन्टिनामा ३५, कोलम्बियामा २३ हजार, अमेरिकामा २१ हजार संक्रमित थपिएका छन्।

यसैबिच बितेको २४ घण्टामा विश्वका विभिन्न देशमा गारी ११ हजार ९ सय ४७ जनाको कोरोनाका कारण मृत्यु भएको छ। सबैभन्दा बढि भारत ३ हजार ८ सय ४२, ब्राजिलमा २ हजार ३ सय ९९, अमेरिकामा ५ सय ७०, अर्जेन्टिनामा ५ सय ३२, कोलम्बियामा ५ सय १४, रुसमा ४ सय ६ जनाको मृत्यु भएको छ।

कोरोनाबाट मृत्यु हुने विश्वभरको कुल संख्या ३५ लाख ११ हजार ५ सय ३२ पुगेको छ । विश्वभर कुल संक्रमितको संख्या १६ करोड ९० लाख ५७ हजार ८६ पुग्दा १५ करोड ८ लाख ६ हजार ९ सय ८८ जना निको भएका ओल्डोमिटरले जनाएको छ।