प्रधानन्यायधीशकै इजलाशमा सुनुवाई हुने

१३ जेठ, काठमाडौं । प्रतिनिधिसभा विघटनसम्बन्धी परेका १९ वटा रिटको सुनुवाई गर्न प्रधानन्यायधीश चोलेन्द्रशमशेर राणाले आज आफ्नै इजलाशमा पेशी तोकेका छन् ।

आजको सुनुवाई भर्खरै सर्वाेच्च अदालतमा सुरु भएको छ । बहसका लागि धेरै कानून व्यावसायी अदालत पुगेका छन् । संवैधानिक इजलाशका लागि तोकिएका ११ वटा रिटको भने भोलि मात्रै सुनुवाई हुने छ ।

सर्वोच्च अदालतका अनुसार अन्तरिम आदेश माग गरिएका १९ वटा रिटको सुनुवाइ बिहीबार (आज) हुँदैछ । संवैधानिक इजलासमा सुनुवाइको माग गरिएका ११ रिटको भने जेठ १४ गते शुक्रबारका लागि पेशी तोकिएको छ ।

सरकारको सिफारिसमा राष्ट्रपति विद्यादेवी भण्डारीले धारा ७६(५) बमोजिमको प्रधानमन्त्री नियुक्ति हुने आधार नरहेको भन्दै संसद विघटन गरी मध्यावधि निर्वाचन घोषणा गरेपछि त्यसविरुद्ध ३० वटा रिट दर्ता भएका छन् ।

ती मध्ये ११ रिटको सुनुवाइ संवैधानिक इजलसमा भोली हुने बताइएको छ ।