पूर्ण बजेट ल्याउन नमिल्ने पूर्व अर्थमन्त्रीहरुको सुझाव

१३ जेठ, काठमाडौं । पूर्व अर्थमन्त्रीहरुको मञ्चले कामचलाउ सरकारले संसद छलेर पूर्ण बजेट ल्याउन नमिल्ने धारणा प्रष्ट गरेको छ । मञ्चद्वारा आज जारी गरिएको विज्ञप्तिमा पाँचजना पूर्वमन्त्रीहरुले यस्तो धारणा राखेका हुन् ।

संसद पुनस्थापना सम्बन्धी मुद्धा विचाराधीन रहेको भन्दै अहिले सरकारले कामचलाउ बजेट मात्र ल्याउनुपर्ने प्रष्ट पारेका छन् । पूर्व अर्थमन्त्रीहरुको मञ्चले काम चलाउ हैसियतमा रहेको सरकारले पूर्ण बजेट पेश गर्न नमिल्ने पनि उनीहरुको साझा धारणा रह्यो ।

यसरी सहमति जनाउने पूर्व अर्थमन्त्रीहरुमा डा. रामशरण महत, डा.प्रकाशचन्द्र लोहनी, सुरेन्द्र पाण्डे, कृष्णबहादुर महरा र वर्षामान पुन रहेका छन् ।