कर्मचारीमाथि कुटपिटमा उत्रिने डिएसपीका कारण प्रहरीलाई तनाव, छानबिन गर्न समिति गठन !
नेपालबहस संवाददाता
जेठ १३, २०७८ शुक्रबार २:१७:३९
१३ जेठ, वीरगञ्ज । काेराेना भाइरस महामारीलाई नियन्त्रणमा लिन वीरगञ्जमा निषेधाज्ञा भएको आज २९ दिन भएको छ । निषेधाज्ञा कडाईका साथ लागू गर्न प्रहरीलाई दवाव छ । यसैबीच प्रहरीले हिजो निषेधाज्ञा उल्लंघन गर्दै पसलहरु खुलेपछि बन्द गराउँदै गर्दा भिडियो खिचेको भन्दै एक युवकलाई डीएसपीले कुटेको भिडियो अहिले सामाजिक सञ्जालमा भाइरल बनेको छ ।
वीरगञ्जकाे पानीट्याङ्कीस्थित प्याथो सर्जिकल हाउसका कर्मचारी अफ्रोज अहमदलाई बुधबार विहान साढे १० बजे कुटपिट गरेको भिडियो अहिले सामाजिक सञ्जालमा भाइरल भएको छ । पसलको सीसीटीभी क्यामेरामा कैद भएको उक्त भिडियोमा डीएसपी कार्की आक्रोशित भएर अहमदलाई कुटपिट गरेको देखिन्छ ।
डीएसपी प्रल्हाद कार्कीको नेतृत्वमा निस्केको प्रहरी टोलीले आवतजावत नगर्न, पसल नखोल्न भन्दै माइकिङ गर्दै अगाडि बढेका थिए । बाटोमा निर्वाध हिडिरहेका सर्वसाधारणलाई कुटपिट गर्दै नियन्त्रणमा लिने र लखेट्ने गर्दै थिए ।
सो भिडियो एक युवकले खिचेका थिए । भिडियो नखिच्न भन्दै प्रहरीले भिडियो डिलिट गर्न दवाव दिए । ती युवक कुनै औषधि पसलमा प्रवेश गरेका थिए । औषधि पसलभित्र डीएसपी कार्की प्रवेश गरी ‘भिडियो भाइरल बनाउने’ भन्दै कुटपिट गरेका छन् ।
औषधि पसलमा रहेको सीसी क्यामेराको भिडियोमा डीएसपीले लौरो र लात्तीले हानेको देखिन्छ । भिडियो डिलिट गर्न भन्दै कुटपिट गरेको देखिएको छ । त्यस भिडियोमा बर्दीमै रहेका प्रहरी मेडिकल सामाग्रीको एउटा पसलमा छिरेर त्यहाँका कर्मचारीलाई दुर्व्यवहार मात्रै गर्दैनन्, लात्ती, मुक्का र लाठी पनि बर्साउँछन्।
त्यसरी कुटपिटमा उत्रिने कुनै प्रहरी जवान होइनन्, प्रहरी अधिकृत अर्थात डिएसपी नै हुन्। डिएसपी नै औषधि पसलमा पसेर युवकमाथि बुट र लौरो बर्साइरहेको भिडियोले अहिले प्रहरीलाई तनाव दिएको छ।
यसैबीच: सर्जिकल पसलका कर्मचारीमाथि डीएसपीले कुटपिट गरेको घटनाको छानबिन गर्न २ नम्बर प्रदेश प्रहरी कार्यालयले छानबिन समिति बनाएको छ । प्रदेश प्रहरी प्रमुख प्रहरी नायब महानिरीक्षक धिरजप्रताप सिंहले नेपालबहस डटकमलाई दिएको जानकारी अनुसार अनुसार प्रहरी उपरीक्षक कृष्ण प्रसाईको संयोजकत्वमा बिहीबार ३ सदस्यीय छानबिन समिति गठन गरिएको हो ।
डीआईजी सिंहले नेपालबहस डटकमलाई भने, समितिले अनुसन्धान सुरू गरिसकेको छ । अनुसन्धानको क्रममा कोही प्रहरी कर्मचारी दोषी देखिएमा प्रहरी नियमावली बमोजिम कारबाही गरिने छ ।
यता: नेपाल शल्य तथा रासायनिक संघले कर्मचारीमाथि कुटपिट गर्ने डीएसपीलाई कारबाही गर्न माग गरेको छ । बिहीबार एक विज्ञप्ति जारी गर्दै संघले नेपाल शल्य तथा रासायनिक संघ वीरगञ्जले डीएसपी कार्कीले अमानवीय व्यवहार गरेको भन्दै कारबाही गर्न माग गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रसाईंका हतियारबारे छानबिन गर्न गृहले बनायो समिति
चैत १६, २०८० शुक्रबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
लिलाम हुन नसकेका सवारीसाधन
चैत १६, २०८० शुक्रबार
के मेकअप रिमूभर प्रयोग गर्नु अनुहारको लागि राम्रो हो ?
चैत १६, २०८० शुक्रबार
चार दिनदेखि हराइरहेका बालकको शव नारायणी नदीमा फेला
चैत १६, २०८० शुक्रबार
सरकार महिला सशक्तीकरणको पक्षमा छः प्रधानमन्त्री
चैत १६, २०८० शुक्रबार
दक्षिण अफ्रिकामा बस दुर्घटना हुँदा ४५ जनाको मृत्यु
चैत १६, २०८० शुक्रबार
निजी विद्यालयको नाम नेपालीकरण गर्न काठमाडौं महानगरको अल्टिमेटम
चैत १६, २०८० शुक्रबार