नेप्सेमा दुई इन्स्योरेन्सको शेयरमूल्य समायोजन

१४ जेठ, काठमाडौं । नेपाल स्टक एक्सचेञ्ज (नेप्से)ले शुक्रवार सिद्धार्थ इन्स्योरेन्स लिमिटेड र लुम्बिनी जनरल इन्स्योरेन्स कम्पनी लिमिटेडको बोनस शेयरको मूल्य समायोजन गरेको छ ।

नेप्सेले सद्धार्थ इन्स्योरेन्सको १२ प्रतिशत बोनस शेयरको समायोजनपछि शेयरमूल्य १ हजार २०५ र लुम्बिनी जनरल इन्स्योरेन्सको ५ प्रतिशत बोनस शेयरको समायोजनपछि शेयरमूल्य ७९१ तोकेको छ ।

सद्धार्थ इन्स्योरेन्सको अघिल्लो कारोबारको दिन अर्थात बिहीवार कायम अन्तिम शेयरमूल्य  १ हजार ३५० र लुम्बिनी जनरल इन्स्योरेन्सको बिहीवार कायम अन्तिम शेयरमूल्य  ८३१ आधारमा शेयरमूल्य समायोजन भएको हो ।

दुवै कम्पनीले लाभांश तथा साधारण सभा प्रयोजनार्थ शुक्रवार बुकक्लोज गरेसँगै नेप्सेले शेयरमूल्य समायोजन गरेको हो ।

सिद्धार्थ इन्स्योरेन्सले शेयरधनीलाई १२ प्रतिशत बोनस शेयर र कर प्रयोजनको लागि ३ दशमलव ७८९४ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारितका लागि कम्पनीले आगामी जेठ २८ गते १९औं वार्षिक साधारण सभा बोलाएको हो । सभा सिद्धार्थ इन्स्योरेन्स भवन बबरमहलमा भर्चुअल माध्यमबाट गर्ने जानकारी गराएको हो ।

त्यस्तै, लुम्बिनी जनरल इन्स्योरेन्स कम्पनीले गत आवको मुनाफाबाट यस वर्ष शेयरधनीलाई ५ प्रतिशत बोनस शेयर र ५ प्रतिशत नगद लाभांश कर प्रयोजनको लागि वितरण गर्न लागेको हो ।

उक्त प्रस्ताव पारितका लागि कम्पनीले जेठ २८ गते १६औं वार्षिक साधारण सभा बोलाएको छ । सभा अपरान्ह ४ बजे कम्पनीको केन्द्रिय कार्यालय ज्ञानेश्वरबाट भर्चुअल माध्यमबाट गर्ने कम्पनीले जानकारी गराएको छ ।