तोकिए संवैधानिक इजलाशका न्यायधीश

१४ जेठ, काठमाडौं । दोस्रोपटक विघटित प्रतिनिधिसभा पुनस्थापनाका लागि परेको रिट उपर सर्वाेच्च अदालतले लागि पाँच सदस्यीय संवैधानिक इजलाश गठन भएको छ । प्रधानन्यायधीश चोलेन्द्र शम्शेर राणाले दीपककुमार कार्की, आनन्दमोहन भट्टराई, तेजबहादुर केसी र बमकुमार श्रेष्ठलाई छानेका छन् ।

यसअघि पहिलो पटक भएको विघटनका बेला गठित इजलाशमा केसी मात्र थिए । बाँकी तीनजना नयाँ न्यायधीश परेका छन् । आफ्नै अध्यक्षतामा पाँच सदस्यीय इजलाश गठन गरेका छन् । आज गठित संवैधानिक इजलाशमा विघटनविरुद्ध परेका १९ वटा रिटको हिजो प्रारम्भिक सुनुवाई गर्दै गम्भिर व्याख्याको विषय भएकाले संवैधानिक इजलाशमै पठाउने आदेश हिजै गरेका थिए ।

सोही अनुरुप आज संवैधानिक इजलाश गठन गरी थप ११ सहित ३० वटा रिट उपर सुनुवाई गर्दैछ । विगतमा पनि यस्तै प्रकृतिको रिटमा सर्वाेच्चले आफ्नो फैसला दिइसकेकोछ । फैसलाको पूर्ण पाठ समेत तयार भइनसक्दै फेरि उही प्रकृतिको अर्काे मुद्धा परेको छ ।

संविधानको धारा ७६ को उपधारा ५ को प्रयोग कस्तो अवस्था र कसरी गर्न पाइने भन्ने विषयमा अदालतले व्याख्या गर्नुपर्ने अवस्था छ । संवैधानिक इजलाश गठनका लागि प्रधानन्यायधीशले हिजैबाट गृह कार्य थालेका छन् । आज ११ बजे भित्रै उनले संवैधानिक इजलाश गठन गरिसक्नेछन् । प्रधानन्यायधीशको अध्यक्षतामा पाँच सदस्यीय इजलाश गठन हुने कानूनी व्यवस्था रहेको छ ।