प्रधानमन्त्री संविधानलाई मास्ने र सिध्याउने खेलमा लागे: डा. देवकोटा

१४ जेठ, काठमाडाैं ।  राष्ट्रियसभा सदस्यमा विजयी भएका डा. खिमलाल देवकोटोल पद तथा गोपनीयताको शपथ लिएका छन्। संघीय संसद सचिवालयमा राष्ट्रिय सभाका अध्यक्ष गणेश तिमिल्सिनाले आज डा देवकोटालाई शपथ खुवाएका हुन्।

आज राष्ट्रियसभा सदस्यको रुपमा शपथ ग्रहण गर्दै सञ्चारकर्मीमाझ संक्षिप्त प्रतिक्रिया दिदैँ डा. देवकोटाले संविधानत प्रधानमन्त्री संसदप्रति उत्तरदायी हुने भएपनि संसदलाई छलेर पटक पटक विघटन गरिएकाले संविधानलाई मास्ने र सिध्याउने खेल भएको बताएका छन् । संविधानलाई सबै मिलेर बचाउनुपर्ने भन्दै उनले आफ्नो भूमिका संविधानलाई बचाउन र संविधानलाई सहि दिशामा ल्याउनका लागि हुने बताए ।

बागमती प्रदेशमा भएको जेठ ६ मा भएको उपचुनावमा डा. देवकोटा विजयी भएका हुन्। नेपाल कम्युनिस्ट पार्टी एमालेका आधिकारिक उम्मेद्वार गृहमन्त्री रामबहादुर थापा थिए भने डा. देवकोटा पनि नेकपा एमालेकै माधवकुमार नेपाल पक्षका नेता हुन्।

देवकोटा कांग्रेस, माओवादी, एमाले ‘माधव नेपाल’ पक्ष, जसपाबाट साझा उम्मेद्वार बनेर चुनाव जितेका हुन्। आधिकारिक उम्मेदवारविरुद्ध बागी उम्मेदवार उठाएर जिताएको भन्दै एमालेको ओली पक्षले नेपाल पक्ष ११ नेतालाई पार्टीको साधारण सदस्यसमेत नरहने गरी कारबाही गरेको छ।