वर्षा र हिमपात आइतबारदेखि केहि स्थानमा हट्दै जाने

१४ जेठ, काठमाडौं । जल तथा मौसम पूर्वानुमान महााशाखाले हिमपात र झरी आइतबारबाट मात्र कम हुँदै जनाएको छ । महाशाखाले शुक्रबार साँझ बुलेटिन जारी गर्दै केही दिनदेखि भइरहेको मौसम बदली, वर्षा र हिमपात आइतबारदेखि केहि स्थानमा हट्दै जाने जनाएको हो ।

बंगालको खाडीमा चक्रवात बिकास भएका कारणले दुई तीन दिन अघिदेखि देशभर बदलीभई वर्षा भइरहेको महाशाखाले जनाएकाे छ । गत मंगलबार दिउँसोबाट बदली हुन शुरु गरेको र बुधबारदेखि लगभग देशभरी नै बर्षा भइरहेको महाशाखाले जनाएको छ ।

यो बंगालको खाडीमा आएको चक्रबातले अप्रत्यक्षरुपमा असर गरेर नेपालमा वर्षा भइरहेको छ। यसकै प्रभावले विशेषगरी उच्च हिमाली भेगमा अहिले हिमपात भइरहेको र पहाडी तथा तराई भेगमा वर्षा भइरहेको छ ।

यो क्रम भोलि पनि जारी रहने र आइतबारबाट विस्तारै सुधार भएर जाने महाशाखाले जनाएकाे छ । आइतबार पनि केहि ठाउँमा भने पानी पर्ने छ। आइतबार लुम्बिनी, बागमती प्रेदेशका केहि स्थानमा पानी पर्ने सम्भावना रहेको छ ।