नेपालमा गाँजाजन्य लागूऔषध प्रयोगकर्ताको संख्या बढ्यो  !

१५ जेठ, काठमाडौं । पछिल्लो बर्षहरुमा नेपालमा गाँजाजन्य लागूऔषध प्रयोगकर्ताको संख्या  बृद्धि भएको छ । ‘लागुऔषध प्रयोगकर्ता सर्वेक्षण’लाई आधार मान्दै अर्थमन्त्रालयले हिजो सार्वजनिक गरेको आर्थिक सर्वेक्षणमा नेपालमा औषत बार्षिक ५ दशमलव ०६ प्रतिशतले लागूऔषध प्रयोगकर्ताको संख्या बृद्धि भएको देखाएको हो ।

यो बृद्धि सँगै नेपालमा लागूऔषध प्रयोगकर्ताको संख्या १ लाख ३० हजार ४ सय २४ पुगेको छ । लागूऔषध प्रयोगकर्ता मध्ये ९३ दशमलव २ प्रतिशत पुरुष र ६ दशमलव ७ प्रतिशत महिला रहेका छन् ।

लागूऔषध प्रयोगकर्ताले एकपटक लागुपदार्थ सेवन गर्दा न्यूनतम ९२ रुपिया देखि २ हजार १ सय ९५ रुपैयासम्म खर्च गर्ने गरेको पाइएको छ ।सबैभन्दा बढी ८४ प्रतिशत गाजाजन्य पदार्थ लागूऔषध रुपमा प्रयोग गर्ने गरेको तथ्याङकले देखाएको छ  ।