सिंहदरवार भित्रका कर्मचारीलाई कोरोनाभाइरस विरुद्ध खोपको दोस्रो मात्र दिदैं

१६ जेठ, काठमाडौं । सिंहदरबारभित्रका कर्मचारीलाई आज कोरोना भाइरसविरुद्धको खोपको दोस्रो मात्रा दिइने भएको छ । कोरोना विरुद्धको खोपको कोभिशिल्ड र भेरोसेलको पहिलो डोज लिएका सिंहदरबारभित्रका सबै कर्मचारीलाई आज दोस्रो मात्रा दिन लागिएको हो ।

कोभिड-१९ खोप माघ १४ देखि फागुन २२ गतेसम्म ‘कोभिशिल्ड’ को पहिलो डोज लिएका र चैत २५ गतेदेखि वैशाख १५ सम्म ‘भेरोसेल’ खोप लिएका सिंहदरबारभित्रका कर्मचारीलाई दोस्रो मात्र आज र भोलि दिइने स्वास्थ्य कार्यालय काठमाडाैंले जनाएको छ ।

खोप लगाउ जाँदा  अनिवार्य रुपमा पहिलो डोज खोप लगाएको कार्ड र कार्यालयले उपलब्ध गराएको परिचय पत्र साथमा लैजानु पर्नेछ ।