नबिल बैंकको कम्पनी सचिवमा पौड्याल नियुक्त

१७ जेठ, काठमाडौं । नबिल बैंकको कम्पनी सचिवमा प्रविण पौड्याल नियुक्त भएका छन् ।

कम्पनीले यसअघिका सचिव माधवप्रसाद रेग्मीले जेठ १५ गतेदेखि लागू हुने गरी राजीनामा दिएकाले सोही मितिदेखि लागू हुने गरी पौड्याललाई कम्पनी सचिवमा नियुक्त गरेको हो ।

कम्पनीको गत जेठ ७ गते बसेको सञ्चालक समितिको बैठकले पौड्याललाई कम्पनी सचिवमा नियुक्त गर्ने निर्णय गरेको हो ।