ओलीविरुद्ध सशक्त प्रतिकार गर्ने विपक्षी गठबन्धनको निश्कर्ष
नेपालबहस संवाददाता
जेठ १६, २०७८ आइतबार १८:१९:३७
१६ जेठ, काठमाडौं । नेपाली कांग्रेस सभापति शेरबहादुर देउवा निवासमा भर्खरै सम्पन्न पाँच विपक्षी दलको गठबन्धनले प्रधानमन्त्री केपी ओलीको असंवैधानिक कामको हरेक कोणबाट सशक्त प्रतिकार गर्ने निश्कर्ष निकालेको छ ।
बैठक सकिएपछि बाहिरिंदै गरेका कांग्रेसका वरिष्ठ नेता रामचन्द्र पौडेलले सञ्चारकर्मीहरुलाई यस्तो प्रतिक्रिया दिएका हुन् । ओली सरकार विरुद्ध राजनीतिक र कानूनी लडाईंका अतिरिक्त आवश्यकता अनुसार सबै कोणबाट मोेर्चाबन्दी गर्ने निर्णय भएको उनले बताए ।
ओलीका विकृत सबै क्रियाकलापको हामी सशक्त प्रतिकार गर्ने छौं – उनले भने । अल्पमतमा रहेको सरकारले हिजो मात्रै पूर्ण आकारको बजेट ल्याएपछि आक्रोशित भएका विपक्षी दलहरुले ओलीविरुद्ध एक मत भएर प्रतिकार गर्ने निश्कर्ष निकालेका हुन् ।
पाँचै दलका नेताहरुले आजै यिनै विषयवस्तु समेटेर संयुक्त विज्ञप्ति निकाल्ने निर्णय समेत गरेका छन् । ओली सरकारविरुद्ध देशव्यापी आन्दोलनको आवश्यकता पनि नेताहरुले औंल्याएका थिए । तर अहिलेको महामारीले गर्दा तत्कालै सडक आन्दोनलमा भने जान नहुने सबैले निश्कर्ष निकालेका छन् । तर अन्य कोणबाट भने ओली सरकारको सशक्त प्रतिकार गर्ने निर्णय भएको छ– नेता पौडेलले भने ।
बैठकमा कांग्रेसबाट देउवा र पौडेल, माओवादी केन्द्रबाट अध्यक्ष पुष्पकमल दाहाल प्रचण्ड र नारायणकाजी श्रेष्ठ , एमालेको असन्तुष्ट पक्षबाट वरिष्ठ नेता माधवकुमार नेपाल र भीम रावल, जसपाबाट अध्यक्ष उपेन्द्र यादव र डा. बाबुराम भट्टराई तथा राष्ट्रिय जनमोर्चाबाट दुर्गा पौडेल सहभागी थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार