डेढ दर्जन कम्पनीको सर्किट लेबलमा कारोबार, शेयरमूल्य कति ?

१७ जेठ, काठमाडौं । साताको पहिलो कारोबार दिन आइतवार बजार बढेसँगै दोस्रो घण्टाको कारोबार अवधिमा डेढ दर्जन कम्पनीको शेयरमूल्य सर्किट लेबलमा वृद्धि भएको छ ।

उक्त अवधिसम्ममा ज्योती विकास बैंकको शेयरमा सर्किट लागेको छ । त्यस्तै,नेपाल हाइड्रो डेभलोपरको शेयर मूल्य अघिल्लो कारोबार दिनको तुलनामा ९ दशमलव ९६ प्रतिशले वृद्धि भएको छ । कम्पनीको शेयरमूल्य प्रतिकित्ता ५०८ पुगेको हो ।

त्यसैगरी आँखुखोला जलविद्युत् कम्पनीको शेयरमूल्य अघिल्लो कारोबार दिनको तुलनामा ९ दशमलव ९६ प्रतिशत,खानीखोला हाइड्रोपावरको ९ दशमलव ८८ प्रतिशत,जोशी हाइड्रोपावर ९ दशमलव ८४ प्रतिशत, बुटवल पावर कम्पनीको शेयर मूल्य ९ दशमलव ७० प्रतिशत र युनियन हाइड्रोपावर कम्पनीको शेयर मूल्य ९ दशमलव ३० प्रतिशतले वृद्धि भएको हो ।

कम्पनीको शेयरमा विक्रेताभन्दा क्रेता धेरै भएकाले शेयर मूल्यमा वृद्धि भएको हो ।

उक्त अवधिसम्ममा आँखुखोला जलविद्युतको शेयर मूल्य प्रतिकत्ता २८७,खानीखोला हाइड्रोपावरको २७८,जोशी हाइड्रोपावरको  २७९, बुटवल पावर कम्पनीको  ५७७ र युनियन हाइड्रोपावरको शेयर मूल्य २८२ पुगेको हो ।