विकास बैंक समूहको परिसूचक साढे सात प्रतिशतले बढ्यो, ज्योति विकासको शेयरमूल्यमा सर्किट

१७ जेठ, काठमाडौं । आइतवार शेयरबजारबढेसँगै अधिकांश विकास बैंकहरुको शेयर मूल्यमा उछाल आएको छ । कारोबारको दोस्रो घण्टामा विकास बैंक समूहको परिसूचक ७ दशमलव ६ प्रतिशतले वृद्धि भएको छ ।

ज्योति विकास बैंकको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको हो । शेयरमूल्य प्रतिकित्ता ३६३ पुगेको छ । विकास बैंहरुको शेयरमा खरीदकर्ता अत्याधिक भएकाले शेयरमूल्य बढेको हो ।

आइतवार अधिकांश विकास बैंकहरुको शेयरमूल्यमा वृद्धि भएको छ । त्यसैगरी, सांग्रिला डेभलपमेण्ट बैंकको १० प्रतिशत, लुम्बिनी विकास बैंकको शेयरमूल्य ९ दशमलव ९४ प्रतिशत र महालक्ष्मी विकास बैंकको शेयरमूल्य ९ दशमलव ९४ प्रतिशतले वृद्धि भएको छ ।

सांग्रिला डेभलपमेण्टको शेयरमूल्य प्रतिकित्ता ३४१, लुम्बिनी विकास बैंकको  ३७६, महालक्ष्मी विकास बैंकको ३६५ र शाइन रेसुङ्गा डेभलपमेण्ट बैंकको शेयरमूल्य प्रतिकित्ता  ३६६ पुगेको छ ।