संसद विघटनविरुद्धको मुद्धा हेर्दाहेर्दैमा

१६ जेठ, काठमाडौं । संसद विघटनविरुद्धको मुद्धा हेर्दाहेर्दैमा राखिएको छ । गत शुक्रवारबाट संवैधानिक इजलासमा सुनुवाइ हुँदै आएको मुद्धालाई आइतबारका लागि हेर्दाहेर्दैमा राखिएको हो ।

प्रतिनिधिसभा विघटनबारे परेका मुद्धा भोलि ‘सोमबार’ पनि संवैधानिक इजलासमा सुनुवाइ हुने भएको छ। आइतबारको बहसमा ती मुद्धाहरूको प्रथम सुनुवाइ नसकिएकाले भोलि फेरि सुनुवाइ हुने भएको हो।

आजको इजलासमा रिट निवेदकका अधिवक्ताले संवैधानिक इजलासमा न्यायाधीशहरू बमकुमार श्रेष्ठ र तेजबहादुर केसी बस्न नहुने भन्दै आपत्ति जनाएका थिए । यही विषयमा प्रधानन्यायाधीश चोलेन्द्रशमशेर राणा र वरिष्ठ अधिवक्ताहरूबीच सवाल जवाफ नै नभएको थियो ।

सर्वोच्च अदालत प्रशासन स्रोतले न्यायाधीशद्वय श्रेष्ठ र केसी संवैधानिक इजलासमा बस्ने कि नबस्ने भन्नेबारे भोलि निर्णय हुने र त्यसपछि मुद्दाको सुनुवाइ हुने बताएको छ ।