लुम्विनीमा पनि नेपाल पक्षको फ्लोरक्रस, विपक्षी गठबन्धनका उम्मेदवारको जित सुनिश्चित

१७ जेठ, काठमाडौं । लुम्बिनी प्रदेशमा आज भइरहेको राष्ट्रियसभा सदस्यको उपनिर्वाचनमा विपक्षी गठबन्धनका तर्फबाट उम्मेदवार बनेका नेपाली कांग्रेसका दीर्घनारायण पाण्डे बिजय हुने देखिएको छ।

प्रदेशसभा सदस्य ८३ जना र स्थानीय तहका प्रमुख उपप्रमुख २१७ कुल मतदाता संख्या २९६ रहेको उक्त प्रदेशमा विपक्षी गठबन्धन प्रष्ट बहुमतमा रहेको तथ्याङ्कले देखाएको हाे ।

प्रदेश र स्थानीय तहका मतदान गरी कुल ७ हजार ६९८ मत मतभार रहेकोमा जितका लागि ३ हजार ८५० मत ल्याउनुपर्छ।  विपक्षी गठबन्धनले प्रदेश र स्थानीय तहको मतभार गरी ४ हजार मतभार रहेकोले सहजै जित हुने बताएका छ्न् । त्यसमा एमालेको माधव नेपाल पक्षले फ्लरक्रस गरेमा अत्याधिक बहुमतले आफुहरुले जित्त्ने अनुमान विपक्षी गठबन्धनको रहेको छ ।

मतदानमा भाग लिने प्रदेशसभा सदस्यमध्ये एमालेका ३८ छन् । विपक्षी गठबन्धनमा ४१ छन् । अर्थात् कांग्रेसका १९, माओवादीका १९ सभामुखसहित, जसपाका ६ र राष्ट्रिय जनमोर्चाका १ जना हुन् । स्थानीय तहका २१७ मध्ये ९४ एमालेका, कांग्रेसका ६३, माओवादी केन्द्रका ३६, जसपाका १३, जमोर्चाका ५, राप्रपाका २ र स्वतन्त्र ४ जना छन् ।

यसअघि प्रदेशसभाका मतदाताको संख्या ७९ कायम गरिएकोमा अन्तिम समयमा आएर निर्वाचन आयोगले जसपाका ४ जनालाई मताधिकारको अधिकार दिने निर्णय गरेसँग प्रदेशका ७३ जना सांसदले मतदान गर्न पाउने भएका छन् ।

४ जना थप भएपनि माधव नेपाल पक्षले फ्लोरक्रस गर्दा लुम्विनीमा विपक्षी गठबन्धनका उम्मेदवार नै राष्ट्रसभामा आउने देखिन्छ ।  सत्ता पक्ष चन्द्रबहादुर खड्काका लागि जित त्यति सहज देखिदैन । माओवादी केन्द्रबाट एमाले प्रवेश गरेपछि पार्टीले कारवाही गरेका कारण खड्काको सांसद पद गएको थियो ।