ओलीलाई भेट्न बालुवाटार पुगे ठाकुर र महतो

१७ जेठ, काठमाडौं । नेकपा ‘एमाले’ र जसपाको महन्थ ठाकुर र राजेन्द्र महतो पक्षका नेताहरूबीच भेटवार्ता भएको छ। जनता समाजवादी पार्टीका अध्यक्ष महन्थ ठाकुर र नेता राजेन्द्र महतो प्रधानमन्त्री केपी ओलीलाई भेट्न बालुवाटार पुगेका हुन् ।

स्रोतका अनुसार ठाकुर र महतो ओली नेतृत्वको सरकारमा सहभागी हुने तयारीमा छन् । सोमबारको भेटमा मन्त्रालय बाँडफाँटमा केन्द्रित हुने बताइएको छ ।

ठाकुर निकट एक नेताले केहीबेर अघि प्रधानमन्त्रीसहित एमालेका नेताहरूसँग छलफल गर्न अध्यक्षसहितका नेताहरू बालुवाटार गएको पुगेको जसपाले बताएको छ । जसपाले आठ मन्त्री र २ राज्यमन्त्रीको माग गरेको छ। प्रधानमन्त्री पनि जसपाको मागमा सहमति भइसकेको बुझिएको छ।

स्रोतका अनुसार जसपाले अघि सारेका अन्य मागहरूका बारेमा आजको भेटवार्तामा थप केही छलफल हुने बताइएको छ। जसपा विभाजनको दिशामा अघि बढेका बेला महन्थ राजेन्द्र पक्ष सरकारमा सहभागी हुन लागेको हो।

एकले अर्को पक्षलाई स्पष्टीकरण सोध्ने र कारवाही गर्नेसम्मको चेतावनी दिइरहेका छन्।