तीन कम्पनीको सर्किट लेबलमा कारोबार, शेयरमूल्य कति ?

१७ जेठ, काठमाडौं । सोमवार कारोबारको तेस्रो घण्टामा नेप्से परिसूचक १८ दशमलव ५८ अंकले घटेर २ हजार ८०९ दशमलव ३५ विन्दुमा पुगेको छ ।

शून्य दशमलव ६६ प्रतिशतले घटेको बजारमा २१४ ओटा कम्पनीको  ९ अर्ब ९० करोड ७ लाख १ हजार बराबरको शेयर खरीदविक्री भएको छ ।

कारोबारको तेस्रो घण्टामा राधी विद्युत् कम्पनी, नारायणी डेभलपमेण्ट बैंक र सेन्ट्रल फाइनान्सको शेयरमूल्य ९ प्रतिशतभन्दा बढीले वृद्धि भएको छ ।

तेस्रो घण्टामा कारोबारमा आएका १३ ओटा समूहको परिसूचकमध्ये होटल्स तथा पर्यटन, वित्त, लघुवित्त र म्युचुअल फण्ड समूहको परिसूचक बढेको छ भने बाँकी बैंकिङ, व्यापार, विकास बैंक, जलविद्युत्, निर्जीवन बीमा, उत्पादन तथा प्रशोधन, अन्य, जीवन बीमा र लगानी समूहको परिसूचक घटेको छ ।

यस अवधिसम्म राधी विद्युत् कम्पनीको सर्वाधिक कारोबार भएको छ । उक्त कम्पनीको ८२ करोड ७१ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य १ हजार २५६ मा कारोबार भइरहेको छ ।

कारोबार रकमकै आधारमा सर्वाधिक कारोबार हुने दोस्रो कम्पनीमा लुम्बिनी विकास बैंक रहेको छ । उक्त कम्पनीको प्रतिकित्ता ४०४ मा  ३१ करोड ४८ लाख बराबरको शेयर खरीदविक्री भएको छ ।