उपत्यकामा आज १२६३ जनामा कोरोना पुष्टि

१७ जेठ, काठमाडौं । काठमाडौं उपत्यकामा आज १२६३ जनामा कोरोना भाइरस पुष्टि भएको छ । परीक्षण दर घटेसँग संक्रमितको संख्यामा पनि कमी आएको हो । पछिल्लो २४ घण्टामा काठमाडौंमा ८९०, भक्तपुरमा १२१ र ललितपुरमा २५२ गरी १२६३ जनामा कोरोना पुष्टि भएको हो ।

पछिल्लो २४ घण्टामा थप ४७६२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १५ हजार ५५ पीसीआर र २४२५ एन्टिजेन परीक्षणमा ४७६२ जनामा संक्रमण पुष्टि भएको हो ।