सर्वाेच्च अदालत गम्भीर विवादमाः संवैधानिक इजलाशका न्यायाधीशले आज के गर्लान ?
नेपालबहस संवाददाता
जेठ १८, २०७८ मंगलबार १८:१:३२
समाचार टिप्पणी
१८ जेठ, काठमाडाैं । संविधानको अन्तिम व्याख्याताकाे रुपमा रहेको सर्वाेच्च अदालत यतिबेला गम्भीर विवादमा तानिएको छ । देशको मूल कानूनकै परीक्षण र व्याख्या गर्ने निकाय विवादको घेरामा आउनु लोकतन्त्रका लागि राम्रो होइन । न्यायिक सर्वाेच्चतालाई स्वीकार गर्ने हाम्रो जस्तो प्रजातन्त्रमा त न्यायालयको गरिमा अझै उँचो हुन्छ । तर यस्तो पवित्र र जनआस्थाको प्रतीकका रुपमा रहेको न्यायालय किन विवादमा आयो ? यसको जवाफ इतिहासले पनि खोज्ला नै ।
पछिल्लो चरणमा भने प्रतिनिधिसभा विघटनबारे सुनुवाई गर्न गठित संवैधानिक इजलाशको औचित्य र प्रभावबारे प्रश्न उठेको छ । रिटका निवेदक पक्षले दुई जना न्यायधीशहरुको कार्यक्षमतामा नभई स्वार्थ बाझिने सन्दर्भलाई लिएर विवाद खडा गरेका छन् । सामान्यतः निवेदकको कानून व्यावसायीले फलानो न्यायाधीशको इजलाशमा मात्रै सुनुवाई हुनुपर्छ भन्न मिल्दैन ।
तर अहिले भने संविधानकै व्याख्या गर्ने संवेदनशील विषय रहेको छ । व्याख्या गर्ने टीममा दुईजना यस्ता न्यायाधीश परेका छन् , जो रिट निवेदक पक्षलाई आजको स्थितिमा ल्याउने गरी विगतमा फैसला गर्नेमा पर्छन् । अर्थात, नेकपा नामको पार्टी नै विभाजन गरी एमाले र माओवादी बनाउने गरी फैसला गर्ने न्यायाधीश बमकुमार श्रेष्ठ अहिले इजलाशका परेका छन् ।
यस्तै तेजबहादुर केसी अर्का यस्ता न्यायाधीश हुन्, जसले श्रेष्ठको इजलाशले गरेको निर्णयको पुनरावलोकन गर्न मानेन । अर्थात उक्त निर्णय विरुद्ध अदालतले थप सुनुवाई नै नगर्ने फैसला उनले गरे । यी दुबै न्यायधीशले गरेको फैसलाकै कारण फेरि संसद विघटन भएको छ र त्यसविरुद्ध अदालतमा रिट परेको छ ।
यस्तो स्थितिमा विवाद पर्नु स्वभाविक रहेको ठान्ने धेरै कानूनका ज्ञाता रहेका छन् । पूर्व न्यायधीश गौरीबहादुर कार्की भन्छन्– न्यायलयलाई विवादमा ल्याउने काम कसैले गर्न हुँदैन । जनआस्थाको प्रतीक न्यायालयलाई यस्तो विवादित बनाउने हो भने भोलि कसैले भर पर्दैन । न्यायलयप्रति उच्चसम्मान दर्शाउने काम बेञ्च र बार दुबैको हुने उनको ठहर छ । अहिले भने बार भन्दा बेञ्च कै कारण विवाद आएको उनी ठान्छन् । प्रधानन्यायाधीशले संवैधानिक इजलाश गठन गर्दा एउटा मापदण्ड बनाएको भए यस्तो विवादै नआउने उनको भनाई छ । रोष्टरमा रहेका १३ जनामध्ये वरिष्ठताका आधारमा इजलाश गठन गरेको भए यस्तो विवाद आउने सम्भावना नरहेको उनी ठान्दछन् ।
तर प्रधानन्यायधीश चोलेन्द्रशमशेर राणाले नै यो विषयलाई विवादको घेरामा तान्ने काम गरेको कार्कीको बुझाई छ । वरिष्ठहरु रहेको इजलाश गठन गरेको भए के हुन्थ्यो र ? आफूले भनेको मान्ने न्यायाधीश नै राख्न खोज्दा यस्तो समस्या देखिएको उनको ठम्याई छ । राणाले केसी र श्रेष्ठलाई के आधारमा इजलाशमा राखे भनेर पुष्टि गरेका छैनन् । न त वरिष्ठ न विषय विज्ञ नै हुन् उनीहरु । सबैले गरेकाे आशंका भनेको चाहिं भनेको मान्ने न्यायाधीश हुन् भन्ने मात्रै रहेको छ ।
अस्ती आइतबार भएको बहस यही विषयमा केन्द्रित रह्यो । हिजो दिन भर न्यायालयमा यसै विषयमा गम्भीर छलफल भएको थियो । प्रधानन्यायधीशले यसबारे निर्णय लिन विवादित दुई न्यायधीशलाई नै अधिकार सुम्पिएका थिए । सोही बमोजिम हिजै केसी र श्रेष्ठले आफूहरु इजलाशबाट नबाहिरिने धारणा लिखित रुपमै प्रधानन्यायाधीश समक्ष बुझाए ।
तर यति गर्दा पनि विवाद सल्टिने अवस्था भने बनेन । इजलाशमा रहेका अरु दुई न्यायधीशहरु दीपककुमार कार्की र आनन्दमोहन भट्टराईले पनि यो विषयलाई गम्भीरतापूर्वक लिए । उनीहरुले विवादमा परेका न्यायाधीशहरु रहेको इजलाशमा आफूहरु पनि नबस्ने धारणा राखे । जसले गर्दा प्रधानन्यायधीश राणा फेरि दबाबमा परेका छन् ।
त्यसपछि प्रधानन्यायाधीश राणाका साथै विवादित न्यायधीशद्वय केसी र श्रेष्ठरहित रोष्टरमा रहेका १० जना न्यायाधीशहरुले यसबारे समीक्षा गरे । यसबारे उपयुक्त निर्णय लिन विवादित न्यायाधीशहरुलाई आज बस्ने इजलाशमै आफ्ना कुरा राख्न आग्रह गर्ने सहमति भयो । त्यसपछि मात्रै थप निर्णय लिने पक्षमा कार्की र भट्टराई सहमत भएका छन् । संभवतः आज बस्ने संवैधानिक इजलाशमा विवादमा परेका न्यायमूर्तिद्वय केसी र श्रेष्ठले आफ्ना कुरा राखेर इजलाश छाड्ने आंकलन गरिएको छ ।
यस्तो अवस्था आयो भने मात्रै न्यायलयमाथिको जनविश्वास फेरि बढ्छ –सर्वाेच्च अदालतकै पूर्व न्यायाधीश बलराम केसी भन्छन् । इजलाश विवादित भयो भने निकास दिने काम कहिलेकाहीं बेञ्चले नै गर्नुपर्छ भन्दै उनले विवादमा परेका न्यायधीशले इजलाश छाड्दा नराम्रो सन्देश नजाने धारणा राखे ।
उनले भने–यो त न्यायलय र बेञ्चप्रतिको सम्मान नै हो । हामीले गरेको फैसलालाई आम नागरिकले कसरी लिएका रहेछन् भन्ने सन्देश पनि यसबाट पाएको अर्थमा बुझ्नुपर्छ – उनले भने । प्रजातन्त्रमा नागरिक नै सर्वेसर्वा हुन् भन्ने राज्यका सबै अंगले बुझ्नुपर्छ भन्दै उनले न्यायलयप्रतिको भरोशा उँचो बनाउने काम पनि न्यायमूर्तिकै भएकाले विवाद गरेर भन्दा मिलाएर जाँदा राम्रो हुने उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
लोकरिझ्याईं राजनीतिको ‘महाजात्रा’मा हरिवंश आचार्य
कुसुम भट्टराई
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
दाङमा आगलागीबाट एकको मृत्यु
बैशाख ७, २०८१ शुक्रबार
एआईले बनाएको जेम्स बन्ड सिरिजको फिल्मको नक्कली ट्रेलर भाइरल
बैशाख ७, २०८१ शुक्रबार
कांग्रेस देश र जनताप्रति उत्तरदायी पार्टी हो : सहमहामन्त्री राठोर
बैशाख ७, २०८१ शुक्रबार
नेपाललाई तेस्रो सफलता, गुलशनले लिए दोस्रो विकेट
बैशाख ७, २०८१ शुक्रबार
गुलसनले लिए यूएईको दोस्रो विकेट
बैशाख ७, २०८१ शुक्रबार
नेपाललाई पहिलो सफलता, सोमपालले लियो पहिलो विकेट
बैशाख ७, २०८१ शुक्रबार