संवैधानिक इजलाश पुनर्गठन गर्न सर्वाेच्च बारको सुझाव

१८ जेठ, काठमाडौं । संवैधानिक इजलाश गठन विवादित बनेपछि प्रधानन्यायधीश चोलेन्द्र शम्शेर राणालाई भेटेका आज सर्वाेच्च अदालत बार पदाधिकारीहरुले सच्याउन आग्रह गरेका छन् ।भर्खरै मात्र सकिएको छलफलमा सर्वाेच्च बारका अध्यक्ष पूर्णमान शाक्यसहितका पदाधिकारीले वरिष्ठताका आधारमा इजलाश गठन गर्न समेत सुझाव दिएका छन् ।

स्रोतका अनुसार, छलफलको प्रारम्भमा प्रधानन्यायधीश राणाले पछिल्लो अवस्थाबारे चर्चा गर्दै अहिलेको विवादबाट निकास पाउन के गर्दा उपयुक्त होला भनी पदाधिकारीसँग सुझाव मागेका थिए । त्यसपछि बार पदाधिकारीहरुका तर्फबाट अध्यक्ष शाक्यले इजलाश पुनर्गठन गर्न सुझाव दिएको स्रोतले बताएको छ ।

बार अध्यक्षको भनाई सकिएपछि प्रधानन्याधीश राणाले ठीकै छ मात्र भनेको तर आफ्नो धारणा भने आज बस्ने इजलाशमै राख्ने बताएको स्रोतको भनाई छ । अब संवैधानिक इजलाशको सुनुवाई सुरु हुँदैछ । आजका लागि भने पुरानै इजलाश कायम छ ।