ट्विटरकाे एकाउन्ट भेरिफिकेसन कार्यक्रम राेकियाे
नेपालबहस संवाददाता
जेठ १८, २०७८ बुधबार ४:५२:२७
१८ जेठ, एजेन्सी । ट्विटरले पुनः एकाउन्ट भेरिफिकेसन कार्यक्रम बन्द गरेको छ । माइक्रो ब्लगिङ साइट ट्विटरले ४ वर्षपछि पुनः सुरु गरेको एकाउन्ट भेरिफिकेसन कार्य एक हप्ता नपुग्नै बन्द गरेको हो ।
सन् २०१७ देखि बन्द रहेको निलो चिह्नसहितको भेरिफिकेसन प्रदान गर्ने कार्यका लागि ट्विटरले गत हप्ताबाटमात्रै अनुरोध लिन सुरु गरेको थियो ।तर निलो चिह्नका लागि अपेक्षाभन्दा अत्यधिक धेरै अनुरोध प्राप्त भएसँगै तत्कालका लागि एकाउन्ट भेरिफिकेसन कार्यक्रम रोकिएको ट्विटरले शनिबार जनाएको छ ।
ट्विटरका अनुसार भेरिफिकेसन कार्यक्रममा भएको स्थगत अस्थायी प्रकृतिको हो । अब हालसम्म प्राप्त भएका निवेदनहरु समीक्षा गरेर टुंगो लगाइनेछ । त्यसपछि छिटै नै भेरिफिकेसन अनुरोध खुल्ला गरिने ट्विटरले आफ्नो ट्विटर भेरिफाइड नामक ह्याण्डलबाट जानकारी दिएको छ।
गत हप्तामात्रै सुचारु गरेको ब्लु ब्याज भेरिफिकेसन कार्यक्रमअन्तरगत ट्विटरले सरकारी अधिकारी तथा निकायहरु, कम्पनी, ब्राण्ड तथा संस्थाहरु, पत्रकार तथा सञ्चारमाध्यम, मनोरञ्जन तथा खेलकुद क्षेत्र, अभियानकर्मी तथा संघसस्थाहरु तथा आबद्ध व्यक्तिहरु गरी विभिन्न ६ विधाका प्रयोगकर्ताको अनुरोध स्विकार गर्ने गरेको थियो ।
अब निकट भविष्यमा पुनः सुरु गरिने भेरिफिकेसन कार्यक्रममा त्यस बाहेक वैज्ञानिक, प्राज्ञिक तथा धार्मिक क्षेत्रका प्रयोगकर्ताहरु पनि समेटिने बताइएको छ ।
यसैबीच ट्विटरले आफ्नो सशुल्क सेवा ट्विटर ब्लु सुरु गर्ने भएको छ । आईओएस एप स्टोरमा रहेको एप पेजमार्फत् ट्विटरले यस्तो जानकारी गराएको हो । ट्विटरको उक्त सशुल्क सेवाको शुल्क अमेरिकामा प्रति महिना २।२९ डलर हुनेछ बताइएको छ ।
ट्विटर ब्लुमा आम प्रयोगकर्ताले चलाउने निशुल्क ट्विटर एपका अतिरिक्त विभिन्न प्रिमियम फिचरहरु हुनेछन् । त्यसमा ट्विट फिर्ता लिने अर्थात् अन डु गर्न सकिने फिचर हुने बताइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपएआईमा जागिर गर्नेहरूले कति तलब पाउँछन् ?
चैत १६, २०८० शुक्रबार
राष्ट्रिय साइबर सुरक्षा केन्द्र स्थापनाको काम अन्तिम चरणमा
चैत १४, २०८० बुधबार
नेपाल सम्वत्को ‘सफ्टवेयर’ र ‘एप’ सरकारलाई हस्तान्तरण
चैत १२, २०८० सोमबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार
अन्तर्राष्ट्रिय अदालतद्वारा गाजामा निर्बाध सहायता अनुमति दिन आदेश
चैत १६, २०८० शुक्रबार