अब कस्तो बन्ला संवैधानिक इजलास, के कार्कीले इजलास छाडलान् त ?

१९ जेठ, काठमाडौं । प्रधानन्यायाधीश चोलेन्द्रशमशेर राणा वरिष्ठताकै आधारमा संवैधानिक इजलास पुनर्गठन सहमत भएपछि संवैधानिक इजलास गठन सम्वन्धि विवाद किनारा लागेको छ ।

अब गठन हुने संवैधानिक इजलास वरिष्ठताका आधारमा बन्ने भएकाले प्रधानन्यायाधीश राणासहित न्यायाधीशहरु दीपककुमार कार्की, मीरा खड्का, हरिकृष्ण कार्की रहने पक्का भएको छ ।

यसपटक पनि न्यायाधीश कार्कीले संवैधानिक इजलाशबाट बाहिरिने घोषणा गरे भने ५ नम्बर वरियताका न्यायाधीश ईश्वरप्रसाद खतिवडा संवैधानिक इजलाशमा आउन सक्नेछन् ।

यस अघि केपी शर्मा ओली पहिलोचोटि प्रधानमन्त्री भएको अवस्थामा उक्त सरकारको महान्यायाधिवक्ता रहेका कारण प्रधानमन्त्रीले गरेको संसद विघटनको मुद्दामा स्वार्थ बाझिने भन्दै कार्कीले यसअघिको संवैधानिक इजलासबाट छाडेका थिए ।