कमलपोखरी पुनर्निर्माणको काम ८० प्रतिशत सकियो (फोटोफिचर)

१९ जेठ, काठमाडौं । कमलपोखरी पुनर्निर्माणको काम ८० प्रतिशत सकिएको छ । अहिले पोखरी निर्माणको काम सम्पन्न गरी पोखरी वरपर सौन्दर्यको काम भइरहेको छ ।

आगामी एक महिनाभित्र सबै सक्नेगरी पुनर्निर्माणको काम भइरहेको काठमाडौं महानगरपालिकाले जनाएको छ ।

सौन्दर्यको कामसँगै काठको केही कलात्मक बुट्टा कुँद्ने काम पनि भइरहेको कामपा भौतिक पूर्वाधार महाशाखा प्रमुख राम थापाले जानकारी दिए ।

सम्पदा पुनर्निर्माणलाई पर्यटनसँग जोडेर दिगो व्यवस्थापनमा कामपाको ध्यान केन्द्रित भएकाले अनावश्यक भ्रम सिर्जना नगर्न सबैमा आग्रह गरिएको छ ।

एक वर्षभित्र सक्ने गरी अघिल्लो असार १९ गते कमलपोखरी पुनर्निर्माणका लागि शिलान्यास भएको थियो ।