सत्ता जोगाउन ओलीको नयाँ चाल: योगेश, गोकर्ण र सुरेन्द्र परे जालमा
नेपालबहस संवाददाता
जेठ १९, २०७८ बुधबार १७:२१:९
१९ जेठ, काठमाडौं । सर्वाेच्च अदालतमा गरेको भनिएकाे सेटिङ भत्कने वातावरण बनेपछि प्रधानमन्त्री केपी ओलीले आफ्नो रणनीति फेरेका छन् । दोस्रो पटक उनले गरेको प्रतिनिधिसभा विघटन पुन बदर हुने अवस्था निर्माण भएकाले पार्टी एकतामै फेरि फर्किएका छन् । त्यसैले हिजोका लागि बोलाइएको स्थायी कमिटी बैठकले १२ जना सांसद्हरुलाई कुनै कारबाही गरेन । बरु एकताका लागि हदैसम्मको लचकता अपनाउने निर्णय गर्याे ।
पछिल्ला केही दिनयता ओलीले माधव नेपाल पक्षसँग घनिभूत छलफल चलाएको छ । नेपाल पक्षमा रहेका दोस्रो तहका नेताहरुसँग ओलीले गत सोमबार राति आफ्ना विश्वास पात्रमार्फत लामै छलफल गराए । छलफलमा उनले जेठ २, २०७५ अघिकै अवस्थामा फर्कन आफू तयार रहेको सन्देश प्रवाहित गरे । साथै, नेता नेपालसँग भेट्न ईश्वर पोखरेल र शंकर पोखरेललाई कोटेश्वर पठाए । ओलीको यो “यू टर्न“ किन त ? नेता नेपालले यो नबुझेका होइनन् ।
अफ्ठेरो पर्ने वित्तिकै लत्रने स्वभाव ओलीको छ । अब प्रतिनिधिसभा ब्यूँतिएको अवस्थामा फेरि पनि संसदमा अंक गणितकै खेल हुने हो । त्यसको राम्रो हेक्का छ ओलीलाई । नेपाल पक्षका २६ जनाले कांग्रेस सभापति शेरबहादुर देउवाको पक्षमा गरेको हस्ताक्षर ओलीका लागि ठूलो “सेट व्याक” बनेको छ । त्यसैले ओली जसरी भएपनि नेपाल पक्षका धेरै सांसद्लाई आफ्नो पक्षमा ल्याउन चाहन्छन् ।
त्यसैको प्रतिफल हो अहिलेको परिदृश्य– राजनीतिक विश्लेषक डा. सुरेन्द्र केसी भन्छन् । ओलीले साँच्चै एमाले मिलाउनै चाहेका थिए भने यो लचकता त जेठ ७ गते अघि नै अपनाउनुपथ्र्याे । अपनाएनन्, किनभने त्यतिबेला कतै सेटिङ भइसकेको थियो । सेटिङ भत्किएपछि त फेरि चाहियो नि संसद्मा संख्या – उनले भने । सकेसम्म सबैजना नै आफ्नो पक्षमा आउन, नभएपनि माधव नेपाल र भीम रावल बाहेक सबैलाई तान्न सकियोस् भन्ने चाहना ओलीको देखियो – डा. केसीले भने । यसो गर्दा जनता समाजवादीको २० सांसद्को समर्थनमा फेरि पनि प्रधानमन्त्रीमा निरन्तरता दिन सकिने बुझाई बालुवाटारको रहेको देखिन्छ– उनले भने ।
त्यसको छनक हिजाेकै स्थायी कमिटी बैठकले दिएको पनि उनले प्रष्ट पारे । नत्र हिजो थप १२ जनालाई कारबाही हुन्थ्यो नि , त्यो त गरिएन । साथै, नेता नेपाल लगायत ११ जनाको कारबाही पनि फुकुवा गरिएन –विश्लेषक केसीले भने । ओली फेरि पनि माधव पक्षलाई भुलाउने दाउमा छन् । त्यसैले उनले जेठ २, २०७५ मा फर्कने पासाे फालेका हुन् ।
यसो गर्दा नेपाल पक्षका धेरै नेता कार्यकर्ता आफ्नो पक्षमा आउने उनको बुझाई छ । नभन्दै नेपाल पक्षका केही नेताले फेरि पनि खुट्टा कमाइरहेका छन् । सुरेन्द्र पाण्डे, गोकर्ण विष्ट र योगेश भट्टराईहरु एमालेमै बसेर संघर्ष गर्नुपर्छ भन्नेमा पुगेको देखिन्छ । उनीहरुको मनोभावना बुझेरै बालुवाटारले यो चाल चलेको हो । ओलीको इच्छा नेता नेपाल, रावल, युवराज ज्ञवाली र अष्टलक्ष्मी शाक्यलाई भने कुनैपनि हालतमा एमालेमा नल्याउने नै रहेको छ । यसबारे राम्रो विश्लेषण स्वयं माधव नेपालले गरेका छन् । हिजो बिहान उनलाई भेट्न गएका उनै नेताहरुलाई नेता नेपालले भने–यो पनि ओलीको नयाँ चाल हो । भ्रममा नपरौं ।
यसबारे छलफल गर्न आएका ओलीका दूतहरु ईश्वर र शंकरलाई नेता नेपालले यो प्रष्ट पारिसकेका छन् । कोटेश्वर निकट स्रोत भन्छ– अब बाग्मतीमा धेरै पानी बगिसक्यो । जेठ २, २०७५ को विषय दोस्रो पटक प्रतिनिधिसभा विघटनपछि असान्दर्भिक भइसकेको छ । अब नयाँ सरकार बन्ने अवस्था रहेकाले मात्रै ओलीले यस्तो चाल चलेको भन्दै नेता नेपालले संसदीय दलको नेता पद छाड्ने सर्तमा मात्रै एकता हुन सक्ने सर्त राखेका छन् ।
यसको अर्थ नेता नेपाल आफैं अब ओलीसँग एकता गर्ने पक्षमा छैनन् भन्ने बुझिन्छ । तर योगेश, गोकर्ण र सुरेन्द्रहरुको मनोभावना बुझेका ओलीले चालेको चालले कस्तो प्रभाव पार्ला , त्यो भने अबको केही दिनमै प्रष्ट हुनेछ । त्यस्तो अवस्था आयो भने नेपाल पक्षबाट थप केही नेताहरु ओली क्याम्पमा जान सक्ने अनुमान गर्न सकिन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
आजको मौसम : यी ठाउँमा हुरीबताससहित वर्षाको सम्भावना
बैशाख १३, २०८१ बिहिबार
दिल्लीले चार रनले हरायो गुजरातलाई
बैशाख १३, २०८१ बिहिबार
यस्तो छ तपाइको आजको राशिफल
बैशाख १३, २०८१ बिहिबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार
खोटाङमा डढेलो निभाउने क्रममा जलेर वृद्धको मृत्यु
बैशाख १२, २०८१ बुधबार