बन्दाबन्दीको समयमा लाग्ने कर छुटर जरिवाना मिनाहा गर्न माग
नेपालबहस संवाददाता
जेठ १९, २०७८ बुधबार २१:५२:३०
१९ जेठ, स्याङ्जा । स्याङ्जा जिल्ला उद्योग वाणिज्य संघ स्याङ्जाले कोभिड–१९ को अवधिमा भएको बन्दाबन्दीको समयमा लाग्ने कर छुट र जरिवाना मिनाहा गर्नुपर्ने माग गरेको छ । संघले एक विज्ञप्ती जरी गर्दै कर छुट र जरिवाना मिनाहा गर्न माग गरेको हो ।
लामो समयदेखि भएको बन्दाबन्दीले ठूला तथा साना उद्योगी व्यवसायी टाट पल्टने अवस्थामा पुगेको भन्दै संघले यस अवधिमा लाग्ने संघीय सरकार, प्रदेश सरकार, जिल्ला समन्वय समिति र स्थानीय सरकारले लिने कर छुट गरी जरिवाना मिनाहा गर्न विषयगत मन्त्रालय र तीनै तहका सरकारसँग विज्ञप्ती मार्फत माग गरेको छ ।
संघका अध्यक्ष रविन्द्रमान श्रेष्ठद्धारा जारी गरिएको विज्ञप्तीमा कोरोनाको पहिलो लहरमै आक्रान्त बनेका व्यवसायी दोस्रो लहरमा थला परेको बताउँदै व्यवसायीको पिडामा कर छुट र जरिवाना मिनाहा गर्दा मलम लगाएको अनुभूति हुने बताईएको छ ।
“हामी व्यवसायी बैंकको किस्ता, व्याज र जरिवाना सहित व्यवस्थापकीय खर्च जुटाउन नसक्ने अवस्थामा पुगेका छौं ।” संघका कोषाध्यक्ष खालिद मियाँले भने, “किस्ता, व्याज र व्यवस्थापकीय खर्च त दैनिकी हो, उता सरकारले कर र जरिवाना लगाउँदा व्यवसायी उठनै नसक्ने अवस्थामा पुग्ने निश्चित छ ।” व्यवसायीको थप पिडा कम गर्न सरकारसँगै समयमै माग गरेको उनले बताए ।
संघले कर छुट र जरिवाना मिनाहाका लागि स्थानीय प्रशासन मार्फत संघीय सरकार, अर्थ मन्त्रालय, स्वास्थ्य मन्त्रालय र नेपाल राष्ट्र बैंकको ध्यानाकर्षण समेत गराएको छ । संघले व्यवसायीलाई लाग्ने कर छुट र जरिवाना मिनाहा गर्नका लागि नेपाल उद्योग वाणिज्य महासंघ र प्रदेश महासंघलाई समन्वय गर्न आग्रह गरेको छ ।
विश्वमा माहामारीको रुपमा फैलिएको कोरोना भाइरसको संक्रमणले नेपालको निजी क्षेत्र नराम्रोसँग प्रभावित भएको दाबी गर्दै संघले जारी गरेको विज्ञप्तीमा साना व्यवसायीले घरबहाल कर समेत तिर्न नसक्ने अवस्था आएको जिकिर गरिएको छ । विज्ञप्तीमा कोभिड बिरुद्धको खोप पाउने नागरिकको नैसर्गिक भएर पनि अग्रभागमा देखिने व्यवसायी पनि त्यो अधिकारबाट बञ्चित भएको दाबी गरिएको छ । संघले खोपको व्यवस्थापन गर्न जोडदार माग गरेको छ ।
संघले जारी गरेर हस्तान्तरण गरेको विज्ञप्ती बुझ्दै जिल्ला प्रशासन कार्यालय स्याङ्जाका प्रशासकीय अधिकृत उज्वल बस्नेतले व्यवसायीको मागलाई सम्बोधन गर्न सरोकारवाला निकायलाई घचघच्याउँने विश्वास दिलाए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपम्याग्दीका भिर पहरामा मह सिकार सुरु
चैत १४, २०८० बुधबार
नौमती बाजा बजाउन तालिम लिँदै बागलुङका आमाहरू
चैत १३, २०८० मंगलबार
म्याग्दीमा असिनापानीले हिउँदे बालीमा क्षति
चैत १२, २०८० सोमबार
नोबेल पुरस्कार विजेता अर्थशास्त्री डानियलको निधन
चैत १५, २०८० बिहिबार
रञ्जिताको इच्छाविपरित सुदूरपश्चिममा नाउपाका ५ मन्त्री
चैत १५, २०८० बिहिबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
ठूलो दुर्घटनाबाट जोगियो श्री एयरको जहाज, ७७ यात्रु सुरक्षित
चैत १५, २०८० बिहिबार
के तपाईलाई थाहा छ, शेर र शेरनीमा को बढी खतरनाक हुन्छ ?
चैत १५, २०८० बिहिबार