जेठ २ मा फर्काउँछु भन्ने ‘ललीपप’ मा अल्मलिने ? ओलीको हर्कत क्षमायोग्य छैन- नेपाल

२० जेठ, काठमाडौं । नेकपा एमाले पार्टीभित्र दोस्रो पुस्ताका नेताहरु पार्टी एकता जोगाउने भन्दै वार्ता र संवादमा लागिरहेका  बेला पार्टी अध्यक्ष  केपी शर्मा ओलीले पार्टी एकताका लागि पार्टीलाई २०७५ जेठ २ मा फर्काउँन चाहेको भनि आएका खबरप्रति पार्टीका वरिष्ठ नेता माधव कुमार नेपालले ओलीको उक्त सन्देश राजनीतिक फन्डा एवम् नक्कली कुरा मात्र भएको प्रतिक्रिया दिएका छन् ।

संसद विघटनसम्बन्धी मुद्दा सर्वोच्च अदालतमा दर्ता भएपछि ओली अप्ठेरोमा परेको र त्यही कारण विभिन्न बहानाबाजी गरेको तत्काललाई संकट टार्न ओलीले यो चालबाजी रचेको  नेता नेपालको आरोप छ ।

‘अहिले आएर जेठ २ मा फर्काउँछु । त्यो नक्कली कुरा गर्ने । फर्काउने हो भने भटाभट फर्काए भइहाल्छ नि, किन यसो गर्छु भन्नुपर्यो ?  नवौं महाधिवेशनको म्यान्डेट अनुसार अघि बढे पुग्छ। पार्टीलाई नीति र विधिमा चलाए हुन्छ । हाम्रा विषय ठूला थिएनन् तर ओलीले जे हर्कत गरे त्यो क्षमायोग्य छैन, नेपालले भने

ओलीले संसद विघटन गरेर लोकतान्त्रिक मूल्य मान्यतालाई नै धराशयी बनाएको, संविधानको मर्यादा नै उल्लंघन गरेका छन्’, अब पनि ओलीले देखाएको ‘ललीपप’ मा अल्मलिने ? नेता नेपालले जनवर्गीय संगठनका नेताहरूलाई भर्चुअल बैठकमा भने ।

अदालतले संसद पुनर्स्थपना गरिदिने देखेपछि पछिल्लो पटक ओली माधव नेपालपक्षका केही नेताहरु फकाउने रणनीतिमा लागेका छन् ।योगेश भटराई, गोकर्ण विष्ट,र सुरेन्द्र पाण्डे लगायतका केही नेपाल पक्षका नेताहरु ओली जालमा परिसकाले ओली अपमानक बीच प्रयास जारी राखेको नेपाल पक्षका नेताहरुले नै बताउने गरेका छन् ।

यसैबीच  एमालेका दुवै पक्षले आजै छुटा छुटै बैठक आब्हान गरेका छन् ।