राधी विद्युत र विशाल बजार कम्पनीको शेयरमूल्यमा गिरावट, प्रतिशेयरमूल्य कति ?

२० जेठ, काठमाडौं । लामो समय निरन्तर बढिरहेको राधी विद्युत र विशाल बजार कम्पनीको शेयरमूल्यमा बुधबार गिरावट आएको छ । हालै लाभांश घोषणा गरेको राधी विद्युत र विशाल बजार कम्पनी शेयरमूल्य उच्च दरले घटेको छ ।

बुधबार राधी विद्युत कम्पनीको शेयरमूल्य ७ दशमलव २३ प्रतिशतले घटेको हो । कम्पनीको शेयरमूल्य ९४ रुपैयाँले घटेर १२ सय ६ रुपैयाँ रहेको छ ।

त्यस्तै, विशाल बजार कम्पनीको शेयरमूल्य ६ हजार ७ सय ६ रुपैयाँ रहेको छ ।बुधबार कम्पनीको शेयरमूल्य १ सय १४ रुपैयाँले घटेको हो । नेप्सेले कम्पनीको वित्तीय विवरण पेश नगरेको भन्दै लामो समयदेखि कारोबार रोक्का गरेको थियो ।

कम्पनीले आर्थिक वर्ष २०७३/७४ देखि २०७६/७७ सम्मको लेखापरीक्षण हुन बाँकी वित्तीय विवरण र आर्थिक वर्ष २०७७/७८ को पुस मसान्तसम्मको विवरणहरु र अन्य अपरिकृत त्रैमासिक तथा अर्धवार्षिक विवरणहरु नेप्सेको कम्पनी लगइनबाट नेप्सेको वेबसाइटमा अपलोड गरेको कम्पनीले जनाएको छ ।

जसपश्चात कम्पनीको कारोबार फुकुवा भएको हो । उक्त समयमा कम्पनीको शेयरमूल्य १५ सय रुपैयाँ थियो । कारोबार फुकुवा पश्चात छोटो समयमा कम्पनीको शेयरमूल्य करिब ७ हजार हाराहारीमा पुगेको छ ।