देउवा र नेपाल मिल्दा ओली चिलिम
नेपालबहस संवाददाता
जेठ २०, २०७८ बिहिबार १६:५२:४८
२० जेठ, काठमाडौं । प्रधानमन्त्री केपी ओली यतिबेला नेपाली राजनीतिको मियो पात्र हुन् । उनको यो हैसियत प्रधानमन्त्री भएर मात्रै बनेको हैन । बरु उनलाई समयमै विस्थापन गर्न चुकेका विपक्षीहरुको अकर्मण्यता र लाचारी मुख्य कारक हुन् । नत्र ओली यतिबेला प्रतिपक्षी दलका नेतामा खुम्चिसकेका हुन्थे ।
यसका लागि मुख्यतः नेपाली कांग्रेसका सभापति शेरबहादुर देउवा र नेकपा एमालेका वरिष्ठ नेता माधवकुमार नेपाल दोषी छन् । यी दुबै पात्रले यथासमयमा सही निर्णय लिन नसक्दा परिस्थिति उल्टो दिशातिर डोरियो । फागुन ११ गते सर्वोच्च अदालतले ओलीको विघटनको निर्णय उल्टाइदिएपछि राजनीतिले निकास पाउनुपथ्र्याे । त्यसका लागि प्रमुख प्रतिपक्षी दलका नेताका हैसियतले देउवाले संसदमा अविश्साव प्रस्ताव दर्ता गर्नुपथ्र्याे, गरिएन ।
अविश्वास आएको थियो भने ओलीका विरुद्ध नेकपाकै हैसियतमा रहेका अध्यक्ष पुष्पकमल दाहाल ‘प्रचण्ड’ र वरिष्ठ नेता नेपालले ओलीलाई पदमुक्त गरिसक्थे । त्यहाँ देउवा चुके । फागुन २३ गते नेकपा विभाजन गर्ने षडयन्त्रकारी सेटिङ पनि देउवाकै कारण सम्भव भयो । किनभने यो अवधिमा ओलीले रामशाहपथतिर सेटिङ मिलाए । त्यसैको प्रतिफल थियो – फागुन २३ को फैसला ।
त्यसैबखत सामूहिक राजीनामा गरेका थिए भने परिस्थिति अर्काे भइसक्थ्यो । त्यसपछि पनि उनी पार्टी एकताको नाममा ओलीका गुलिया बचनमा केही समय भुलिए । तर जब ओलीले हरेक बाचा तोड्दै गए अनि बल्ल नेपालको आँखा खुलेको छ । जेठ ७ गते नेपाल पक्षका २६ जनाले देउवा नेतृत्वमा बन्ने संविधानको धारा ७६(५ं) को सरकारका लागि समर्थन जनाए ।
उक्त फैसलाले ओलीलाई मुसोबाट एकाएक बाघको हैसियतमा पु¥यायो । प्रतिरक्षात्मक अवस्थाका ओली उक्त फैसलापछि त पूर्व एमालेको एकल अध्यक्षको हैसियतमा बौरिए । त्यहाँ नै ठूलो भूल भयो । अनि त ओलीको व्यवहार फेरि उही । यो घटनापछि प्रचण्डको भूमिका खुम्चियो । तैपनि उनले ओली सरकारलाई दिंदै आएको विश्वास फिर्ता गर्न सक्थे । उनले पनि गरेनन् ।
किनभने देउवाको सकारात्मक सन्देश उनले पाएका थिएनन् । त्यो अवस्थामा एमालेमै फर्कन बाध्य पारिएका पात्र नेपाल बढो निरीह देखिए । उनको समूहका लागि अदालतको फैसला “नखाउँ दिनभरीको शिकार खाउँ कान्छा बाउको अनुहार” जस्तो भएको थियो । उनी अदालतकै फैसला बमोजिम २ जेठ, २०७५ को अवस्थामा फर्कने सर्तमा ओली नेतृत्वमा जान तयार देखिए । तर ओलीले त्यो मान्ने कुरै रहेन । किनभने उनलाई नेकपाबाट साधारण सदस्यबाट समेत घोर्केठ्याक लगाइएको तीतो घटना ताजै थियो ।
त्यसबेला नै नेपालले आँट गरेर देउवा नेतृत्वमा सरकार बनाउने गरी ओलीलाई झड्का दिन सक्थे । तर गरेनन् । खासगरी उनले बैशाख २७ मा जब ओलीले विश्वासको मत लिने तयारी गरे । त्यसैबखत सामूहिक राजीनामा गरेका थिए भने परिस्थिति अर्काे भइसक्थ्यो । त्यसपछि पनि उनी पार्टी एकताको नाममा ओलीका गुलिया बचनमा केही समय भुलिए । तर जब ओलीले हरेक बाचा तोड्दै गए अनि बल्ल नेपालको आँखा खुलेको छ । जेठ ७ गते नेपाल पक्षका २६ जनाले देउवा नेतृत्वमा बन्ने संविधानको धारा ७६(५ं) को सरकारका लागि समर्थन जनाए ।
यो निर्णय भने बोल्ड देखियो । त्यही निर्णयका कारण ओली कमजोर भए । उनका सबै सेटिङ भुत्ते हुन थालेका छन् । अनि ओलीले अर्काे फण्डा थालेका छन् – नेपालका नेता चोर्ने । त्यसका लागि ओलीले घनश्याम भूषाल, सुरेन्द्र पाण्डे, गोकर्ण विष्ट र योगेश भट्टराईलाई अल्मल्याइरहेका छन् । पार्टी एकताका लागि नेपालले उठाएका माग संवोधन गर्न ओली तयार । तर उनको सर्त भने देउवालाई गरेको समर्थन फिर्ता हुनुपर्ने । यसको अर्थ ओलीलाई अब डर भइसक्यो कि प्रतिनिधिसभा फेरि ब्यूँतिदैछ । किनभने उनका सबै सेटिङ घाममा सुक्न थालेका छन् । त्यही जोखिमबाट जोगिन ओलीले एकताको पासा फ्यालेका हुन् ।
यो विन्दूमा आइपुग्दा भने देउवा र नेपाल बोल्ड भएका छन् । वहुमत सांसद्को हस्ताक्षर बुझाएर राष्ट्रपति समक्ष बुझाउँदासमेत प्रधानमन्त्री बन्नबाट बञ्चित देउवाले बल्ल बुझे की ओली सत्ता छाड्न तयार छैनन् । अब जसरी भएपनि ओलीलाई च्यूत गर्न तयार हुनुपर्छ ।
त्यसैगरी नेता नेपाल पनि अब ओलीको गुलियोमा नफस्ने भएका छन् । जब अफ्ठेरो पर्छ अनि मात्रै ओलीको वार्ताको कार्ड खुल्ने गरेको उनले प्रष्ट बुझेका छन् । त्यसैले अब केही नेताको वार्तारुपी नौटंकीप्रति पनि नेपालको रुची देखिएन । आजै उनले आफ्नो पक्षको केन्द्रीय कमिटी बैठक राखेका छन् । अब ओलीसँग छलछामको कुनै वार्ता हुने र गर्ने नाटक नगर्ने पनि उनले प्रष्टै पारेका छन् । देउवा र नेपालमा यो खाले परिपक्वता अलि पहिल्यै आएको थियो भने ओली यतिखेर सडकमा आइसक्थे ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार