ओलीसँगको संवाद सकियो, विभाजन मात्रै विकल्प !
नेपालबहस संवाददाता
जेठ २०, २०७८ बिहिबार १७:५३:२१
२० जेठ, काठमाडौं । आन्तरिक विवादमा रहेकाे एमाले विभाजनको डिलमा पुगेको छ । दोस्रो तहका नेताहरुले विभाजन रोक्न गरेकाे प्रयास असफल भएपछि एमाले विभाजनको डिलमा पुगेको हो । नेकपा ‘एमाले’को एकताको प्रयास भइरहेको नेताहरुले बताइरहँदा दोस्रो तहका नेताहरुले ‘मिराकल’ भए मात्रै एकता बचाउन सकिने नत्र नसकिने भन्दै संवादको ढोका बन्द भएको बताएका छन् ।
माधव नेपाल पक्षका नेताहरु सुरेन्द्र पाण्डे, घनश्याम भूषाल, योगेश भट्टराई, गोकर्ण विष्टले गरेको प्रयास निरर्थक भएपछि उनीहरुले संवादको चरण सकिएको जनाएका हुन् । बुधबार दिनभरको भेटघाट पनि असफल भएपछि बुधबार साँझ चारै जनाको निष्कर्ष ओलीले झुक्याउन मात्रै खोजेकाले संवाद गर्नुको कुनै अर्थ नभएको बताएका छन् ।
मंगलबार बसेको एमाले स्थायी कमिटी बैठकले पार्टी एकताको प्रयास अन्तिम समयसम्म गर्ने निर्णय गरेको थियो । तर आज एमालेका छुट्टाछुट्टै बैठक बस्न लागेका छन् । एमालेका वरिष्ठ नेता झलनाथ खनाल समूहले केन्द्रीय कमिटी बैठक बोलाएको छ । भर्चुअल रुपमा हुने बैठक बिहान ११ बजेबाट शुरु भएको छ ।
त्यस्तै, बालुवाटारमा एमालेको स्थायी कमिटी बैठक बोलाइएको छ । पार्टी अध्यक्ष तथा प्रधानमन्त्री केपी ओलीले अपराह्न ४ बजेका लागि बैठक बोलाएका छन् । उक्त बैठक हिजो बस्ने तय भए पनि एकताको प्रयासका लागि नेताहरुबीच छलफल गर्नका लागि बैठक सारिएको ओलीपक्षीय नेताहरु दावी थियो । ओली पक्ष खनाल–नेपाल समूहलाई कमजोर बनाउन लागेको छ भन्ने निक्र्योलमा पुगेको अवस्थामा अहिले नेपाल समूहको बैठकमा सबैले नै पार्टी एकताका लागि प्रयास गरिएको विषयमा धारणा राख्ने बताइएको छ ।
त्यसक्रममा बुधबार पनि नेपालले करिब चार सय जना भन्दा बढी नेता कार्यकर्ताहरुको जुम बैठकमा ओलीमा कुनै पनि प्रकारको सुधार नआएको र अहिले संवादको नाममा अलमल्याउने काम मात्रै भएको बताएका थिए । उनले आन्दोलनको क्रममा धेरै नेताहरुको आउने र जाने क्रम भइरहन्छन यहाँ यस्तो वा त्यस्तो भनेर आत्तिने काम छैन भन्दै बैठकमा सहभागीहरुलाई नआत्तिन आग्रह गरेका थिए ।
ओली नेपाल समूहका दोस्रो तहका नेताहरुलाई तान्ने प्रयास भइरहेको बताइन्छ । हिजो मात्रै उपप्रधानमन्त्री समेत रहेका एमाले महासचिव ईश्वर पोखरेलले खनाल–नेपाल समूहका नेता योगेश भट्टराईसँग छलफल गरेका थिए । उनीहरुबीच पार्टी एकताका विषयमा छलफल भएको थियो । , खनाल–नेपालसहितका नेतालाई कारबाही गरेपछि छुट्टै पार्टी गठनको विषय पनि उक्त समूहमा चल्न थालेको छ । एमालेले खनाल–नेपाल समूहको केन्द्रीय कमिटी बैठक कानुन र विधानविपरीत भन्दै सहभागी नहुन निर्देशन पनि दिएको छ ।
एमाले अध्यक्ष केपी शर्मा ओलीले माधव नेपाल पक्षलाई पार्टीभित्रै राख्न पुरानै संगठन फर्काउने सन्देश पठाएपनि नेपाल पक्षले आफ्नै समूहलाई विभाजन गर्ने रणनीति मात्रै भएको जनाएको छ । ओलीसँगको संवादको विषय र नयाँ दल गठनको विषयमा भैरहेको प्रगतिबारे छलफल गर्न विहीबार केन्द्रीय कमिटीको बैठक बोलाएको नेपाल समूहले सबैको धारणा बुझ्ने जनाएका छन् । बैठक बस्नुअघि नेपाल समूहका नेताहरु घनश्याम भूषाल र योगेश भट्टराईले बामदेव गौतमसँग भेटघाट गरेर अहिलेको परिस्थितिबारे छलफल गरेका छन् ।
स्रोतका अनुसार भूषाल र भट्टराईले नयाँ दल खोल्दा त्यसको जनसंगठन र पार्टी निर्माण संभावना निक कम हुने र एमालेलाई क्षति मात्रै हुने भएकाले पार्टीभित्रै आन्तरिक संघर्षमा रहनुपर्ने विफ्रङ गरेका थिए । नेता गौतमले पार्टी विभाजन हुनुमा ओलीनै बढी जिम्मेवार रहेको बताउँदै ओली सच्चिनै तयार नभएको र धेरै नै दम्भी भएका कारण अहिलेको परिस्थिति सिर्जना भएको बताएका थिए ।
बुधवार आफू पक्षको एक कार्यक्रममा माधवकुमार नेपालले आत्मसमर्पण र विद्रोहमध्ये विद्रोह नै ठिक भएको भन्दै नयाँ पार्टी गठनको प्रक्रियाबाट पछि नहट्ने सङ्केत गरेका थिए । तर उनी पक्षका प्रभावशाली नेताहरू सुरेन्द्र पाण्डे, घनश्याम भुसाल, योगेश भट्टराई, गोकर्ण विष्टसहितका नेताहरू पार्टीलाई जेठ २, २०७५ को अवस्थामा फर्काउन भन्दै ओली पक्षका नेताहरूसँग वार्तामा बसेको र सहमति नजिक पुगेको जानकारी दिने गरेका भएपनि बुधबारबाट त्यसको कुनै अर्थ नभएको बताएका छन् ।
सिङ्गो एमालेलाई एकजुट बनाएर अघि बढ्ने भन्दा पनि माधव नेपाल, झलनाथ खनाल र भीम रावलसहितका नेताहरूलाई एमालेबाट अलग पारेर सो समूह विभाजित बनाउने योजनाअनुसार वार्ता भइरहेकोमा उनीहरुले आपत्ति जनाएपछि ओली पक्षका नेताहरुले संवाद गर्न चाहेका छैनन ।
ओलीलाई संकट परेपछि संवादको नाटक गर्ने गरेको र २०७५ जेठ २ मा संगठन फर्काउछु भन्न थालेको नेता नेपालको भनाई थियो । ‘जब ओलीले संकट महशुस गर्छन त्यसपछि अनेकन फण्डा गर्न थाल्छन उनले पुरानो कमिटी व्यूझाउछु भन्नु पनि त्यही हो । साँचो अर्थमा ओलीले पार्टीको विवाद मिलाउन चाहेका छैनन’, नेता नेपालले बुधबार जनवर्गीय संठगनको बैठकलाई सम्बोधन गर्दै भनेका थिए ।
उनले आफू आन्दोलनबाट पछि नहट्ने समेत बताएका थिए । आइतबारदेखि नेपालले निरन्तर भर्चुअल बैठकमार्फत जनवर्गीय संगठनका नेताहरुसँग सुझाव संकलन गरिरहेका छन् । त्यसक्रममा बुधबार पनि नेपालले करिब चार सय जना भन्दा बढी नेता कार्यकर्ताहरुको जुम बैठकमा ओलीमा कुनै पनि प्रकारको सुधार नआएको र अहिले संवादको नाममा अलमल्याउने काम मात्रै भएको बताएका थिए । उनले आन्दोलनको क्रममा धेरै नेताहरुको आउने र जाने क्रम भइरहन्छन यहाँ यस्तो वा त्यस्तो भनेर आत्तिने काम छैन भन्दै बैठकमा सहभागीहरुलाई नआत्तिन आग्रह गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
सुनचाँदीको मुल्य घट्यो, कतिमा हुँदैछ कारोबार ?
बैशाख ११, २०८१ मंगलबार
विमानस्थलबाट सिधै शितल निवास पुगे कतारी राजा
बैशाख ११, २०८१ मंगलबार
सिलाइ मास्टर जीवनका चट्ट परेका कोट
बैशाख ११, २०८१ मंगलबार
महाकाली अस्पतालमा रेबिजविरुद्धको खोप अभाव
बैशाख ११, २०८१ मंगलबार
नासाको भोएजर अन्तरिक्ष यानद्धारा पृथ्वीमा इन्जिनियरिङ् अद्यावधिक पठाउन पुनः सुरु
बैशाख ११, २०८१ मंगलबार
‘सेन्झाउ–१८’ चालक दल अन्तरिक्ष यान प्रक्षेपणका लागि तयार
बैशाख ११, २०८१ मंगलबार
राष्ट्रपति पौडेलले कतारी राजाको सम्मानमा आज साँझ राजकीय भोजको आयोजना गर्ने
बैशाख ११, २०८१ मंगलबार