कञ्चनपुरमा लिचीको दाना अड्किएर बालकको मृत्यु

२० जेठ,महेन्द्रनगर । कञ्चनपुरमा लिचीको दाना अड्किएर एक बालकको मृत्यु भएको छ । भीमदत्त नगरपालिका–५ बस्ने बालकको लिचीको दाना अड्किएर मृत्यु भएको प्रहरीले जनाएको छ ।

जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले बुधबार साँझ लिचीको दाना अड्किएर छ महिने बालक वीरेन्द्र चन्दको मृत्यु भएको जानकारी दिए । “खेल्दाखेल्दै लिचीको दाना खाँदा अड्किएर अस्पताल लगिएको थियो”, उनले भने, “महाकाली अस्पताल पुग्दापुग्दै चिकित्सकले मृत घोषणा गरे ।”